Азийн залуучуудын III наадмын долоо дахь өдөр өчигдөр  чөлөөт бөхийн барилдаан  “Exhibition World Bahrain”  ордонд ширүүн өрсөлдөөн дунд үргэлжиллээ.

    Чөлөөт бөхийн эрэгтэйчүүдийн 80 кг-ын жинд Б.Буянтогтох  Йорданы бөхийг 11:1-ээр, Палестины бөхийг 10:0-ээр, Тажикистаны бөхийг 5:4-ийн харьцаатай ялсанаар Узбекистаны бөх Руфатов Бунеодтай орон нутгийн цагаар 17:26 цагт алтан медалийн төлөө барилдахаар боллоо.

    Чөлөөт бөхийн эмэгтэйчүүдийн 69 кг-ын жинд А. Гэрэлтуяа эхний барилдаанд Тайландын бөхийг 8:1-ээр ялж, БНХАУ-ын тамирчин Жао Минд 17:6-аар ялагдаж,  Узбекистаны бөхтэй дагах барилдаан хийхээр боллоо.