Монголын хөнгөн атлетикийн холбооны ерөнхийлөгч Э.Нарангэрэл, ерөнхий нарийн бичгийн дарга С.Аюушжав нар өнөөдөр "БАХРЭЙН-2025" Азийн залуучуудын III их наадамд оролцох дасгалжуулагч, тамирчдыг үдэн гаргав.  

   Тэд Азийн наадамд оролцогч тамирчид тус бүрт 1 сая төгрөг ( нийт 7 сая) гардуулан өглөө. Энэ удаагийн тэмцээнд багийн ахлагчаар МУГД С.Түвшинбаяр, дасгалжуулагчаар О.Оюунтуяа нар явна. Манай тамирчдаас С.Батжавхлан эрэгтэй 800 м, 1500 м, А.Бат-Оргил эрэгтэй 100 м, 200 м, С.Номин-Од 100 м, 100 м-халхалттай гүйлт, Ч.Оюун-Эрдэнэ эмэгтэй бөөрөнцөг түлхэлт, Б.Эрхсаран эмэгтэй зээрэнцэг, жад шидэлт, А.Цэлмэг 100 м, 3-ын харайлт, А.Алтантуяа 200 м, 400 м-ийн зайн гүйлтийн төрлүүдэд оролцохоор явж буй билээ.