МҮОХ “Лос Анжелес 2028” олимпын наадмыг угтаж “Евро трэйвэл” ХХК-тай олимпын түншлэлийн гэрээ байгуулах ёслол өнөөдөр “Олимпик хаус”-т боллоо.

    Гэрээнд МҮОХ-ны ерөнхий нарийн бичгийн дарга Э. Бадар- Ууган, “Евро трэйвэл” ХХК-ийн ерөнхий захирал Ц. Ганзориг нар гарын үсэг зурав.

   Энэхүү гэрээ нь “Лос Анжелес 2028” олимпын наадмыг дуустал үргэлжлэх бөгөөд энэ хугацаанд “Евро трэйвэл” ХХК нь өвөл, зуны олимпын наадам болон тивийн наадамд оролцох Монгол Улсын баг тамирчдыг дэмжих хөгжөөн дэмжигч, үзэгч, жуулчдын аялалыг зохион байгуулах юм.

   Тус компани 2021 оноос хойш МҮОХ-той түншийн харилцаатай ажиллаж, “Парис 2024” олимпын наадамд спортын үзэгч, хөгжөөн дэмжигчдийг аялуулж байсан туршлагатай билээ.