Монголын иогчдын холбооны ерөнхийлөгч  Баатарцогтын Туул, Удирдах зөвлөлийн гишүүн Б. Энхгэрэл, гишүүн, иогийн багш Б. Батсанаа нар Энэтхэг Улсын Гадаад хэргийн яамны дэргэдэх Олон улсын соёлын харилцааны зөвлөл (Indian Council for Cultural Relations – ICCR) байгууллагад зочиллоо.

       Энэ үеэр тус байгууллагын Гадаад хэргийн яамны Төрийн нарийн бичгийн дарга (Joint Secretary, Ministry of External Affairs) бөгөөд ICCR-ын Орлогч Ерөнхий захирал (Deputy Director General, ICCR) ноён Абхай Кумартай (Abhay Kumar, I.F.S.) уулзлаа.

      Уулзалтын үеэр талууд 2026 онд Монгол Улсад Олон улсын иогийн бага хурал (International Yoga Conference) зохион байгуулах талаар санал солилцож, хамтран ажиллах боломжуудын талаар харилцан ярилцав.

      Өнгөрсөн есдүгээр сард Узбекистаны Ташкент хотод” ICCR”-аас зохион байгуулсан Олон улсын иогийн бага хуралд Монголын иогчдын холбоог төлөөлөн ерөнхийлөгч Б. Туул оролцсон бөгөөд энэхүү уулзалт нь тус хурлын үргэлжлэл, хамтын ажиллагааны дараагийн шат болж байна.