Соёл, спорт, аялал жуулчлал, залуучуудын яам, Засгийн газрын хэрэгжүүлэгч агентлаг Биеийн тамир, спортын улсын хороо, Дархан-Уул аймгийн Засаг даргын Тамгын газар хамтран биеийн тамир, спортын салбарын Улсын зөвлөгөөнийг 21 аймаг, Улаанбаатар хотын есөн дүүргийн биеийн тамир, спортын төрийн байгууллагын 650, яам, агентлаг, аж ахуйн нэгж, төрийн бус байгууллагын 100 төлөөлөгчдийг хамруулан Дархан-Уул аймагт амжилттай зохион байгуулж өндөрлөлөө.

    Улсын зөвлөгөөний хүрээнд гурван салбар хуралдаан болж, 13 илтгэл танилцуулж, биеийн тамир, спортын салбарын хөгжлийн өнөөгийн нөхцөл байдал, тулгамдаж буй асуудлаар нээлттэй хэлэлцүүлэг өрнүүлэв. Мөн зургаан чиглэлд асуудлыг дэвшүүлэн Монгол Улсын Их Хурал, Засгийн газар, Соёл, спорт, аялал жуулчлал, залуучуудын яам, Сангийн яам, Боловсролын яамны удирдлага, ажилтан, албан хаагчид, иргэний нийгмийн байгуулагуудад хандан биеийн тамир, спортын хөгжлийн үндэсний зөвлөмжийг гаргав.