“Өнгөрсөн жилийн наадмаар гангарч чадаагүй юм чинь энэ жил гангаръя” гэж шийдээд, ямар хувцас өмсөхөө хараахан шийдээгүй байгаа юм биш биз. Тэгвэл охид, бүсгүйчүүддээ зориулан энэ жилийн наадмаар хэрхэн гангарч болох талаар зарим зөвлөмжийг хүргэж байна.

АЛТЛАГ ЧИМЭГЛЭЛ

   Хэрэв та алтлаг эдлэл сонирхдог эсвэл таны хувийн өнгө дулаан бол та энэхүү зөвлөгөө бүхийн зургаас санаа аваарай.

СУВДАН ЭДЛЭЛ

     Цэнхэр өнгийн хувцсыг сувдан эдлэлтэй хослуулж хэрэглэвэл яг л цэнгэг далайн усан дахь сувд мэт харагдах болно гэж зөвлөдөг. Усан цэнхэр өнгө нь илүү эрч хүчтэй харагдуулахаас гадна хэрэв таны хувийн өнгө хүйтэн бол илүү гэрэлтсэн харагдуулах болно.

ЭРХЭМСЭГ ЭМЭГТЭЙЛЭГ ТӨРХ

     Хэрвээ та ихэмсэг байдлыг эрхэмлэдэг нэгэн бол энэхүү зургаас санаа аваарай. Энэ зуны тренд болох өвдөг шүргэх урттай бариу банзал орсон байгааг харж болно. Мөн өөрт байгаа банзлынхаа өнгөнд тохируулан монгол хантааз өмсвөл таны хувцаслалтыг илүү дэгжин харагдуулахад туслалцаа болно.

ЦАЦГАН ХАНЦУЙ

     Өнгөлөг хувцас таны энэ жилийн гангараа бол дээрх зургаас санаа аван, наадмын хамгийн дэгжин нэгэн нь болно гэдэгт итгэлтэй байна. Энэ жил худалдаанд гарч эхэлсэн цацган ханцуйтай дээл маш эмэгтэйлэг харагдуулахад туслах болно.

ЭТГЭЭД СОДОН

   Таны стиль chunky, alternative (нүсэр, хүнд элементүүдтэй, хэвшмэл бус, этгээд хэв маяг) бол энэ зөвлөмж танд тус болно гэдэгт итгэлтэй байна. Үндэсний баяр наадмаар ч мөн өөрийн стилийг хадгалж, үндэсний хэв маягаа хослуулан өөрийгөө чимээрэй.

Г.МӨНГӨНХӨЛӨГ