“Монголын сайхан бүсгүй” тэмцээн 1989 анх зохион байгуулагдаж, анхны титмийн эзнээр Г.Биндэръяа шалгарч байжээ. Харин өдгөө "Miss Mongolia" нэртэйгээр тэргүүн миссийг тодруулж байгаа билээ. Бид "Загварын ертөнц" буландаа "Монголын сайхан бүсгүй" тэмцээний үе үеийн титмийн эзэд болон эх орноо төлөөлөн дэлхийн тайзнаа өрсөлдсөн миссүүдийг танилцуулж байна. Харин энэ удаад Монголын анхны сайхан бүсгүйчүүд болон 2015 он хүртлэх титмийн эздийн тухай хүргэж байна.

"Монголын сайхан бүсгүй" тэмцээн анхны титмийн эзэн Г.Биндэръяа

1990 оны тэргүүн мисс Н.Мөнхцэцэг

 1991 оны тэргүүн мисс Ч.Мичидмаа

 1992 оны тэргүүн мисс Ч.Чулуун-Эрдэнэ

 1993 оны тэргүүн мисс Дархан-Уул аймгийн оролцогч Ц.Сарантуяа

"Монголын сайхан бүсгүй" 1994 оны тэргүүн мисс О.Оюунтуяа Дархан-Уул аймгийн оролцогч "Монголын сайхан бүсгүй" 1995 оны тэргүүн мисс С.Бүрэнжаргал Дархан-Уул аймгийн оролцогч "Монголын сайхан бүсгүй" 1997 оны тэргүүн мисс Б.Түмэнхүслэн

 "Монголын сайхан бүсгүй" 1999 оны тэргүүн мисс Ц.Сансармаа

 "Монголын сайхан бүсгүй" 2001 оны тэргүүн мисс Е.Нямжав Завхан аймгийн оролцогч

"Монголын сайхан бүсгүй" 2002 оны тэргүүн мисс Д.Уянгалянхуа Увс аймгийн оролцогч

 "Монголын сайхан бүсгүй" 2003 оны тэргүүн мисс П.Ариунбилэг

"Монголын сайхан бүсгүй" 2004 оны тэргүүн мисс А.Сарнай Булган аймгийн оролцогч

"Монголын сайхан бүсгүй" 2007 оны тэргүүн мисс Г.Гантуяа Орхон аймгийн оролцогч

Тус тэмцээн 2007 хүртэл жил бүр уламжлал болгон зохион байгуулсан. Үүний дараа “Miss Mongolia” нэртэйгээр олон улсын тэмцээнд оролцох эрх олгох давуу талтайгаар зохиогдож байна.

 МИСС, ЖҮЖИГЧИН Б. ГЭРЭЛЧУЛУУН

      Тэрбээр 2007 оны "Мисс Монголиа" тэмцээний тэргүүн байрыг эзэлж, титмийн эзэн болсон. Үүнийхээ дараа эх орноо төлөөлөн олон улсын "Miss International" тэмцээний тайзнаа алхаж байсан түүхтэй. Мөн тэрбээр Соёл Урлагийн Их Сургуулийг жүжигчин мэргэжлээр төгссөн. Монголын үндэсний олон нийтийн телевизийн “Тусгай салаа” олон ангит киноны ахлах дэслэгч Номингийн дүрээр үзэгчид сайн танина.

  МИСС Х.БАДАМГЭРЭЛ “Андра” академийн гүйцэтгэх захирал, мисс, топ модель Х.Бадамгэрэл орчин цагийн загварын салбартаа "акул". Тэрбээр гурван эрэгтэй дүүтэй айлын ганц охин. Шинжлэх Ухаан Технологийн Их Сургуулийг дизайнер мэргэжлээр төгссөн. Х.Бадамгэрэл 2009 онд "Miss Mongolia" тэмцээний тэргүүн мисс, "Гоёл" наадмын топ моделиор шалгарч загварын салбарт өөрийгөө батлан харуулж байлаа. Чансаа өндөртэй хоёр тэмцээний ялагч болно гэдэг баргийн гоо бүсгүй давдаггүй даваа юм.

"MISS MONGOLIA-2010" ЯЛАГЧ Х.БАДАМЦЭЦЭГ

    Мисс Б.Бадамцэцэг 2010 онд "Miss Mongolia-2018" ялагчаар тодорсон юм. Улмаар БНХАУ-д зохион байгуулагдсан "Miss International" тэмцээнд эх орноо төлөөлөн оролцож, "Miss Active" хэмээх тусгай шагнал хүртэж байв. 2010 онд БНХАУ-д зохион байгуулагдсан "Miss International" тэмцээнд эх орноо төлөөлөн оролцож, "Miss Active" хэмээх тусгай шагнал хүртэж байв. Харин одоо Ерөнхийлөгчийн Эрүүл мэнд, нийгмийн бодлогын зөвлөх, Үндэсний шүдний эрүүл мэндийн боловсрол олгох сан”-ийн тэргүүн, “Эрүүл Монгол хүн” үндэсний хөдөлгөөний хэрэгжилтийг хариуцан ажиллаж байсан билээ.

 "MISS MONGOLIA-2011" - И.ТӨГСӨӨ

 МҮОНТ,“Miss Mongolia” холбоо хамтран “Miss International-2011” тэмцээнд эх орноо төлөөлж оролцох гоо бүсгүйчүүдийг шалгаруулж, ХУИС-ийн хоёрдугаар дамжааны оюутан И.Төгсөө тодорч байлаа.

 2012 ОНЫ ТИТМИЙН ЭЗЭН МИСС Д.ДОЛГИОН

   2012 онд Улаанбаатар хот болон хөдөө орон нутгаас нийт 200 гаруй гоо бүсгүй оролцсоноос Мисс Д.Долгион тэргүүн байр эзэлж, титмийн эзэн болж байлаа. Тэрбээр англи, хятад, япон хэлтэй, Хүмүүнлэгийн ухааны их сургуулийг Маркетинг, хүний нөөцийн менежмент, Байгаль экологи хамгаалал мэргэжлээр төгссөн. Мөн 2023 онд харвардын бизнес паблишингийн "Harvard_ManageMentor” хөтөлбөрийг амжилттай төгссөн билээ. Өдгөө тэр загварын салбартаа завсарлахгүй ажиллахын хажуугаар тээврийн ложистикийн салбарт компани хариуцаж ажиллаж байна.

МИСС Ю.БАЛЖИДМАА

 Уншигч та бүхэн түүнийг "Next top model" нэвтрүүлгээр нь андахгүй мэдэх биз. Түүний хувьд 2014 онд 18 насандаа "Miss Mongolia" наадмын титмийн эзнээр тодорч байлаа.

2015 ОНЫ ТЭРГҮҮН МИСС Ц.АЗЗАЯА

  Тэрбээр Соёл урлагийн их сургуулийн хөгжимт театрын жүжигчний ангийг 2016 онд төгссөн. Жүжигчин, дуучин, бүжигчин гэсэн хосолсон мэргэжилтэй. Ц.Аззаяагийн ээж нь дуучин Д.Ширмэнтуяа. Харин түүний эмээ нь Монгол Улсын Гавьяат жүжигчин Л.Чаминчулуун. Урлагийн гэр бүлээс гаралтай мисс тэрбээр анх 2001 онд “Вансэмбэрүү” кинонд Батцэцэгийн бага насны дүрд тоглож байсан. Харин одоо загварын "Андра" агентлагт багшилж байгаа. Мөн кино урлагт ч өөрийн дүрийг мөнхөлж яваа үзэсгэлэнт бүсгүй юм.

 Үргэлжлэл бий.