Валентины өдөр гэдэг хайр, анхаарал, амьдралын жижигхэн аз жаргалыг сануулах боломж юм. Зарим хүнд цэцэг, шоколад баяр баясгаланг өгдөг бол заримд нь дуртай киногоо тайван сууж үзэх мөч хамгийн үнэ цэнтэй санагддаг. Кино биднийг инээлгэж, уярааж, хайр гэдэг ямар олон хэлбэртэй байдгийг ойлгуулж чаддаг. Тиймээс энэ Валентинаар зүрхийг дулаацуулж, сэтгэл сэргээх гэгээлэг өнгө аястай таван киног санал болгож байна. Үзэхэд энгийн, гэхдээ үнэхээр сэтгэл уяраам түүхүүдийг мэдэрч, сэтгэлд багахан сэргэлт авчирна. Валентины өдөр энэ төрлийн кинонуудыг үзэх нь өөртөө дулаан, эерэг мэдрэмж бэлэглэх сайхан арга юм.

THE NOTEBOOK (2004)

          Энэ кино бол үнэхээр сэтгэл хөдөлгөм, хайр дурлалын тухай өгүүлнэ. Залуухан хайр, өнгөрсөн үеийн дурсамж, амьдралын туршид тэсвэр тэвчээр шаардсан харилцааг харуулдаг. Үзэж байхдаа хайр гэдэг үнэхээр үнэ цэнэтэй, энгийн зүйлсээс ч баяр баясгаланг мэдэрч болдог гэдгийг сануулах болно. Валентины өдөр үзэхэд илүү дулаан, гэгээлэг мэдрэмж төрүүлэх кино юм.

ABOUT TIME (2013)

    Энэхүү кино нь хайр, гэр бүл, амьдралын жижиг аз жаргалыг үнэлэх тухай гайхалтай түүхийг өгүүлдэг. Залуус цаг хугацааг ухрааж, алдаа оноо, аз жаргалын мөчүүдээ давтаж чаддаг боловч эцсийн эцэст амьдралын хамгийн үнэ цэнэтэй зүйлс нь хайр, гэр бүл, энгийн өдөр тутмын мөчүүд гэдгийг ойлгодог.

HINGS I HATE ABOUT YOU (1999)

THINGS I HATE ABOUT YOU кино нь залууст зориулсан хөгжилтэй, романтик түүх юм. Сургуулийн амьдрал, найз нөхөд, анхны хайр бүгдийг хөгжилтэй, энгийн байдлаар харуулсан. Хайр заримдаа төвөгтэй ч, жижигхэн догдлол, аз жаргалыг энгийн байдлаар мэдэрч чаддаг гэдгийг сануулна.

NOTHING HILLS (1999)

     Уг кино нь энгийн амьдрал, азтай тохиолдол, хайр дурлалын гайхамшигтай түүхийг харуулдаг. Гол дүр нь жижигхэн номын дэлгүүр эзэмшдэг энгийн залуу бөгөөд нэгэн өдөр гэнэт дэлхийд алдартай жүжигчинтэй учирдаг. Тэгснээр энгийн амьдралд нь огцом өөрчлөлт орж, хайр дурлалын олон өнгө, инээд, догдлолтой учирдаг. Киноны явцад хоёр хүний хоорондын харилцаа, бие биедээ итгэх итгэл, жижигхэн аз жаргалууд ямархан том утгатайг харуулдаг. Үзэгчдэд хайр гэдэг заримдаа энгийн зүйлсээс эхэлдэг, харин хамгийн сайхан мэдрэмжийг авчирдаг гэдгийг сануулахуйц, гэгээлэг түүхийг өгдөг.

LA LA LAND (2016)

      Мөрөөдөл, хайр, аз жаргал, амжилтын тухай гэгээлэг, хөгжим дүүрэн түүхийг өгүүлдэг. Гол дүрүүд мөрөөдлөө биелүүлэх гэж зүтгэхийн зэрэгцээ хайртай хүнээ ойлгож, дэмжих замыг туулдаг. Жазз хөгжимчин Себастиан, жүжигчин болох мөрөөдөлтэй Миа нарын гэнэтийн учралаас эхлээд тэдний мөрөөдөл, амжилт уналтын талаарх энэ гайхамшигт бүтээл таныг уярааж, догдлуулах гайхалтай хоёр цагийг бэлэглэнэ. Хайр дурлал ч, карьер ч биднээс хичээл зүтгэл, золиос шаарддагийг тодхон харуулах бөгөөд хайртай хүнтэйгээ заавал үзэх кинонуудын нэг юм.