ЗГХЭГ-ын дарга Д.Амарбаясгалан “Долоон төрийн нарийн бичгийн дарга, 11 агентлагийн дарга Засгийн газрын түр томилгоотой" хэмээн мэдээлсэн билээ. “Ковид-19” цар тахлын хуулийн хугацаа дуусгавар болсонтой холбогдуулан сонгон шалгаруулалтгүйгээр томилогдсон ТНБД, газар, агентлагийн дарга нарыг энэ долоо хоногт чөлөөлөгдөхөөр байгаа. Үүний нэг нь Эрчим хүчний яамны ТНБД Н.Тавинбэх. Бид түүнтэй холбогдож, байр суурь авлаа.

Н.Тавинбэх “Албан тушаалаасаа чөлөөлөгдөх Төрийн нарийн бичгийн дарга нарын нэгт би багтаж байгаа. Ажлаасаа маргааш (өнөөдөр) чөлөөлөгдөнө. Ажлаа өгөхөд бэлэн байна. Би хэлсэн шүү дээ. Хэнээс ч хэзээ ч ажил, албан тушаал гуйж байгаагүй. “Ажлаа өг” гэвэл өгөөд л томилсон газарт нь ажиллана. Хэрэв ажиллуулахгүй, болохгүй гэвэл би Төрийн албанаас яваад л өгнө. Та “Эрчим хүчний салбарт хэрэгтэй байна” гэвэл би ямар ч албан тушаалд байсан зүтгээд л байна” гэлээ.