Спортоор хичээллэдэг охид эмэгтэйчүүдийг дэмжих чиглэлтэй “Women Win ISPI” солилцооны хөтөлбөрийн Монгол талын чөлөөт бөх, жиү жицү, сагсан бөмбөгийн спортын төлөөлөл АНУ-ын Вашингтон хотод хүрэлцэн ирлээ. Энэхүү хөтөлбөрөөр тэд туршлага, мэдлэгээ АНУ-ын багш дасгалжуулагч, залуу тамирчидтай солилцох замаар ур чадвараа сайжруулах, сурсан зүйлсээ өөрийн байгууллага, секц, дугуйлан, сошиал сувгуудаар бусадтай хуваалцах ажээ.

          Хөтөлбөрийг АНУ-ын Засгийн газрын Спортын дипломат харилцааны хэлтсээс санаачилж, МЧБХ-ны ерөнхий нарийн бичгийн дарга Б.Мянганбаяр, “Ребел Граплинг Монголиа” жиү жицү болон чөлөөт бөхийн клуб, АНУ-ын “Wrestle Like a Girl” ТББ,  Эмэгтэйчүүдийн “Women Win” олон улсын байгууллага хамтран зохион байгуулж байгаа юм.