Төрийн байгууллагын архив, албан хэрэг хөтлөлт, ажлын зохион байгуулалтын улсын үзлэгийн дүнгээр Архивын ерөнхий газраас өгсөн зөвлөмжийн хэрэгжилтийг хангах, шинэчлэн батлагдсан “Баримт бичгийн стандарт”-ыг мөрдүүлэх зорилгоор цагдаа, дотоодын цэргийн анги, байгууллагын архив, албан хэрэг хөтлөлт хариуцсан алба хаагчдыг мэргэшүүлэх сургалтыг өнөөдөр зохион байгуулж байгаа аж.

   Сургалтыг нээж Цагдаагийн ерөнхий газрын Захиргааны удирдлагын газрын дарга, цагдаагийн хурандаа П.Батбаатар хэлэхдээ, “Архив, албан бичиг хөтлөлт хариуцсан алба хаагчид бол цагдаа, дотоодын цэргийн байгууллагын түүхийг хариуцаж буй чухал хүмүүс. Та бүхэнд талархаж байна” хэмээн онцолжээ.

   Сургалтыг Төв архивын дарга, цагдаагийн хурандаа Х.Чинтөгс, Архивын ерөнхий газрын ахлах мэргэжилтэн Г.Баясгалан нар удирдан явуулж байна.

Сургалтад цагдаа, дотоодын цэргийн 96 анги, байгууллагын 67 алба хаагч танхимаар, 42 алба хаагч цахимаар оролцож байгаа юм.

    Энэхүү сургалтаар алба хаагчдад шинэчлэн батлагдсан баримт бичгийн стандартын нэмэлт, өөрчлөлт, архив, албан хэрэг хөтлөлттэй холбоотой эрх зүйн зохицуулалт, тэдгээрийн хэрэгжилтийн талаар нэгдсэн ойлголт, мэдлэг олгохоос гадна мэргэжлийн зөвлөгөө, мэдээллээр хангах юм.