Дэлхийн шатрын олимпиад үргэлжилж байна. Тус олимпиадад өрсөлдөж буй Монгол Улсын эмэгтэйчүүдийн шигшээ баг дахин гайхалтай тоглолт үзүүлж, хүчтэй өрсөлдөгч Болгар Улсын шигшээ багийг 2.5 : 1.5-ын харьцаагаар буулган авч, чухал ялалт байгууллаа.

Тоглолтын дүн:

1-р ширээ: WIM Б.Мөнгөнзул (2402, хар) – IM Salimova Nurgyul (2439) ½ : ½

2-р ширээ: WGM Т.Мөнхзул (2290, цагаан) – WGM Toncheva Nadya (2408) 1 : 0

3-р ширээ: WCM Х.Баясгалан (2285, хар) – WGM Krasteva Beloslava (2343) ½ : ½

4-р ширээ: IM Б.Мөнгөнтуул (2317, цагаан) – FM Peycheva Gergana (2225) ½ : ½

“WGM” Т.Мөнхзул өөрөөсөө өндөр рейтингтэй тамирчинг цагаан талаас ялж, багтаа хожлын үнэтэй оноог авчирсан бол бусад гурван ширээнд манай тамирчид ширүүн тэмцэл өрнүүлж, эвийн гэрээ байгуулснаар багийн ялалтыг баталгаажууллаа.