"БҮСГҮЙН ЗУРВАС"-ЫН ИТГЭЛ, "THE LOVER"-ЫН САРА, "ҮГҮЙЛЭГДСЭН ХАЙР"-ЫН ТӨГСӨӨГ БҮТЭЭСЭН ЖҮЖИГЧИН Б.ЗОЛЗАЯА ОДОО ТАТЬЯНАД "ХУВИРНА"

Д. Бямбасүрэн:
Соёл урлаг

2026-06-02, 1303

Улсын драмын эрдмийн театрын жүжигчин Т.Сэргэлэн, Б.Золзаяа нар Буриад театрт А.Пушкиний “Евгений онегин” зохиолоос сэдэвлэсэн “Татьяна” жүжгийн гол дүрд тоглохоор ОХУ-ыг зорьж бэлтгэлдээ орсон билээ. Евгений онегины дүрд Т.Сэргэлэн, Татьянад Б.Золзаяа тоглох юм. Ингээд бид энэ удаад уншигч танд Татьянагийн дүрд хувирах жүжигчин Б.Золзаяагийн талаарх бичвэрийг дэлгэж байна. Тэрбээр “Бүсгүйн зурвас”-ын сэтгүүлч Итгэл, “The lover: Хайр хэнд хэрэгтэй вэ” жүжгийн Сара, “Үгүйлэгдсэн хайр”-ын Төгсөө тэргүүтэй олон ч жүжгийн гол болон туслах дүрд тоглосон чадварлаг уран бүтээлч билээ.

“ҮГҮЙЛЭГДСЭН ХАЙР”-ЫН ТӨГСӨӨ

Сайн эхнэр, ухаалаг бэр Төгсөөгийн дүр бол Б.Лхагвасүрэн гуайн “Үгүйлэгдсэн хайр” жүжгийн нэгэн чимэг, түшиг болсон дүр. Төгсөө байгаагүй бол Базар, түүний охин бусдыг хайрлах, тэр дундаа эцэг, эхээ хайрлах хайрыг ойлгохгүй байх байсан. Тэр л Отгоолойг өөрийн төрсөн дүү шиг хайрлаж, нөхрөө зөв зүгт залж, аливаад зөөлөн, зөв хандсанаар тэд хайрын үнэ цэнийг ойлгосон. Харин хамгаа зориулж хайрлан өсгөсөн охин нь итгэлийг нь хөсөрдүүлэх үг хэлдэг ч эргээд эвлэрэн ойлголцож тэдний амьдрал аз жаргалтайгаар цааш үргэлжилнэ. Ерөөс бусдыг өөрийн мэт хайрлах сэтгэл бол Төгсөөгийнх. Ийм нэгэн дүрийг тэр бүтээж, олон ч үзэгчийн сэтгэлд Б.Золзаяа жүжигчний бүтээсэн Төгсөө амьдарч байгаа. Хайрлаж чадсан, хайрыг нэгэндээ бид мэдрүүлсэн болохоор л хайр үгүйлэгдэж, нэхэгдэж, бүр санагалзуулж, үймрүүлдэг биз ээ.

“THE LOVER: ХАЙР ХЭНД ХЭРЭГТЭЙ ВЭ” ЖҮЖГИЙН САРА

Хайрыг хөгжмөөр илэрхийлж, үзэгчдээс, хүмүүсээс хайрын тухай асуусан бүтээл бол Х.Пинтерийн зохиол, Г.Ган-Очир найруулагчийн найруулга “The lover:Хайр хэнд хэрэгтэй вэ” жүжиг. Хайрыг хүн бүр өөр өөрийнхөөрөө тайлбарлаж, ойлгоно. Зарим нь бүр яриа хөөрөөгүйгээр ч хайрыг мэдэрнэ. Өнгөн дээрээ үл ойлголцон, маргалдан зөрчилдөж, хэрэлдэн муудавч хайр оршиж л байдаг. Хайр ил, далдаар ийн оршиж хоёр хүнийг, хорвоогийн хүмүүсийг холбож, нэгтгэн эвсүүлж ч байдаг. Эл жүжгийн Сарагийн дүрийг жүжигчин Б.Золзаяа бүтээсэн. Эерэг зөөлөн, шударга нэгний дүр ихэнхдээ түүнийх байдаг бол Сара хурц түргэн ааштай, санаа бодлоо шулуухан илэрхийлэгч. Дотоод сэтгэл зүйн хувьд гомдон туньсан, цөхөрч туйлдсан байдалтай байгаа боловч гаднаа юу ч болоогүй мэт, бүр нөгөө хүндээ огтхон ч бууж өгөхгүй мэт дүр эсгэдэг нэгэн. Ер гэр бүлийн хоёр гишүүн хоёулаа л ийм өнгөн харилцаа үүсгэж, дотроо чин үнэнээ нуусан байдалтай байдаг. Орчин цагт гэр бүл, хосууд, цаашлаад хүмүүс нэгэнтэйгээ харилцахдаа ийм болсныг, чин сэтгэлийн угаас биш дүр дээрээ нэмж дүрд тоглодог болсныг хоёр дүрээр бидэнд тодорхой хэлж өгсөн энэ бүтээлийн чухал нэгэн гол дүр, өгүүлэгч тэр ээ.

“БҮСГҮЙН ЗУРВАС"-ЫН ИТГЭЛ

Үзэгч миний хувьд анх Б.Золзаяа жүжигчинтэй “Бүсгүйн зурвас” жүжгийн Итгэл сэтгүүлчийн дүрээр “уулзаж” байсан юм. Сэтгүүлч мэргэжилтэй болохоор ч тэр үү өөртөө итгэлтэй, зорьсондоо тууштай, ховор сонин зочин ирсэн тэр эмэгтэйг ойлгож, түүнийг ихэд дэмжин үзэж суусан. Энэ ч үүднээс тус жүжгээс тэмдэглэснээ дараах хэсэгт хүргэж байна.

…Хэрэв би Итгэл байсан бол Архай сайдыг ток шоу нэвтрүүлгийн үеэр худлаа ярихад нь шууд л “Та болиоч. Ямар ичдэггүй худалч юм бэ” гэж хэлэх байв. Бүр үзэгчдийнхээ суудлаас босоод, хэлчихмээр зориг ч төрж байсан шүү. Харин Архай сайдын гэрт нь айхдаа айж, аюултай нөхцөлд байсан ч эмээхгүйгээр зөвхөн чин үнэн халуун сэтгэлийн хөрөг ярилцлага хийнэ гэсэн зорилготой очиж, үнэнийг нь ч, худлыг нь яриулсан Итгэл сэтгүүлчийн яриаг сонины газрын эрхлэгч нь булаан авч, “Гараас нь юу ч гардаггүй” гэж зэмлэхэд нь, өмнөөс нь хоолой зангирч байлаа. Яруу найрагч, зохиолч Л.Өлзийтөгсийн “Ярилцъя” өгүүллэгээс сэдэвлэн, Төрийн соёрхолт Н.Наранбаатарын найруулгаар бүтсэн “Бүсгүйн зурвас” жүжгийг ингэж ичиж, үзэн ядаж, өрөвдөж, өмнөөс нь гомдож үзлээ. Тус жүжгийн гол нуруу нь төр гэж алсаас харахад айхтар сүр бараатай зүйл. Түүний дотор, цаана нь чухам юу оршдогийг энгийн ард иргэд төдийлөн мэддэггүй. Тэгвэл төрийг нээж, төрийн түшээдийг уудалдаг нь сэтгүүлч юм гэсэн ерөнхий санааг барьжээ. Үндсэндээ энэ санааг тус жүжигт зангидаж, дүр болоод үйл явдлаар тайлахыг оролджээ. Харин тус санаанд хачир болж, нэмсэн төрийн түшээдийн ар гэр, амьдрал, зан чанар, зарим сэтгүүлчдийн өнөөгийн төрх байдлыг уяж өгчээ.

Харин ёстой улаан нүүрэн дээр нь хэллээ гэдэг шиг өнөө цагийн зарим сэтгүүлчдийн өнгө төрх, байр байдлыг тэр хэвээр нь үзүүлж байгааг үзээд, өмнөөс нь ичиж л суулаа. Ганган, толгойгоо хаяласан, мэдээллийн үнэн, худлын шүүж, эх сурвалжийг нь ч эрэхгүйгээр хов живийн араас хөөцөлдөж, түүнд анализ хийж, элэглэж, ихэрхдэг зангаа түрүүнд барьж, дамын үгээр баримт хийж явдаг гээд ээ мөн ч айхтар шүүмжлэн үзүүлж байна лээ. Харин нөгөө талаар Итгэлийн дүрээр гэнэн цагаан, сайхан хөрөг ярилцлага хийх хүслээрээ жигүүрлэн, үнэний төлөө тэмцэж яваа сэтгүүлчийн дүрийг товойлгон үзүүлсэн нь талархмаар байв. Үнэний дуу хоолой болж, үргэлж үнэнг эрж явдаг сэтгүүлчид мөн эл жүжгийг үзээд, өөрсдийгөө харж, бахархах болов уу… тэмдэглэлийн үргэлжлэлийг ЭНД дарж уншаарай.

"БҮСГҮЙН ЗУРВАС"-ЫН ИТГЭЛ, "THE LOVER"-ЫН САРА, "ҮГҮЙЛЭГДСЭН ХАЙР"-ЫН ТӨГСӨӨГ БҮТЭЭСЭН ЖҮЖИГЧИН Б.ЗОЛЗАЯА ОДОО ТАТЬЯНАД "ХУВИРНА"

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2026-06-02 15:09:59

Зочин: 80955877
Сэтгэгдэл үлдээсэн: 2026-06-02 15:09:45

Зочин: VANXANI BIEE UNELLEED BOOB XXI BOOW DOLOON ANUSDI ALNI SEXSEER TOMGN DOLOOJ URN SHINEGENE AMSI
Сэтгэгдэл үлдээсэн: 2026-06-02 14:47:25

Олонбаяр: Бүсгүйн зурвас сэтгүүлч бүсгүйн дүрийг гоё гаргасан үгүйлэгдсэн хайр жүжиг нээрээ л хайр үгүйлэгдэж бгааг мэдэрч уйлж үзсэн Золзаяадаа улам их амжилт хүсьё