Сонгинохайрхан дүүргийн тавдугаар хороо, Баянголын 44 дүгээр гудамжинд нийтийн байранд гал гарч байна гэсэн дуудлагыг өчигдөр буюу гуравдугаар сарын 11-ний өдрийн 18:53 цагт Онцгой байдлын алба хүлээн авчээ. Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчид 4.5 км замыг туулан 19:00 цагт очиход, иргэн Б-ын 10х25 метрийн хэмжээтэй нэг давхар нийтийн байрны 2х3 метрийн хэмжээтэй таван тоот өрөөний дотор хэсэг, эд зүйлсийн хамт шатаж байсныг 25 минут ажиллаж унтраажээ. Утаажилтын бүсээс 14 иргэнийг гарган ажилласан байна.