Алга болсон 12 настай охиныг гурав дахь өдрөө үргэлжлүүлэн хайж байна. Цагдаагийн байгууллагаас Дорноговь аймагт 2023 оны аравдугаар сарын 3-ны өдөр сураггүй алга болсон 12 настай Д охиныг хүч нэмэгдүүлэн эрэн сурвалжилж байна.

Харин охиныг эрэн хайх ажиллагаанд “One Life” мотоцикль сонирхогчид оролцохоор Улаанбаатар хотоос Дорноговь руу хөдөлсөн байдаг. Тэгвэл эрлийн ажиллагаанд оролцох залуусыг цагдаагийн албан хаагчид буцах чиглэл өгсөн талаар бид мэдээлсэн билээ.

Энэ талаар ЦЕГ-ын Хэвлэл мэдээллийн төвөөс тодруулахад “Яриад ойлголцоод аль хэдийнэ аймгийн онцгой комисс тохиролцчихсон.  Мотоциклтой иргэдийн дэмжлэгийг авч байгаа. Тодорхой шаардлагатай газар, орон зай зааж өгсөн байна” гэлээ.