Үндэсний их баяр наадмыг зохион байгуулах хороо өнөөдөр хуралдлаа. Хуралдаанаар улсын арслан М.Бадарчийн асуудлыг хэлэлцэж, арга хэмжээ авчээ. Тодруулбал, ТНБД П.Сайнзориг М.Бадарчийн шинжилгээгээр допингийн төрлийн бодис илэрсэн болохыг албан ёсоор зарласан. Тэрбээр мэдээлэл өгөхдөө "Үндэсний их баяр наадмын бөхийн барилдаанд түрүүлсэн улсын арслан М.Бадарчийн Б сорьцын хариу албан ёсоор ирсэн. Допингийн шинжилгээг хяналттай өгдөг болсон. Ямар нэгэн байдлаар шээс солих асуудал байхгүй. Шинжилгээ авах процессод эргэлзэх хэрэггүй" гэсэн байдаг.

Тэгвэл Үндэсний их баяр наадмыг зохион байгуулах хороо өнөөдөр хуралдаанаар Улсын арслан М.Бадарчийн цолыг нь хурааж, барилдах эрхийг нь дөрвөн жилээр хасах шийтгэл ногдуулахаар болжээ. Мөн М.Бадарчид цолны даваанд унасан бөхчүүдэд цол нөхөн олгохоор шийдвэрлэжээ. Уг саналыг  Монгол Улсын Ерөнхийлөгчид хүргүүлнэ.