Төрсөн үрээ орцонд хаяж, машины зогсоолд үлдээж, цахилгаан шатнаас унагаж, буудаж, өвлийн хүйтэнд гадаа хөл нүцгэн зогсоож, тогонд цохиулж, дээврээс үсэргэж, халуун усанд түлсээр л байх уу, эцэг, эхчүүд ээ. Энэ бол олон нийтэд мэдэгдсэн наад захын жишээ. Эцэг, эхчүүдийн хараа хяналтгүй, анхаарал бологоомжгүй байдлаас хүүхдүүд бэртэж, гэмтэн, амиа алдаж байгаа хэргийг нэг бүрчлэн бүртгэх юм бол дуусашгүй урт жагсаалт хөвөрнө. Ялангуяа, сүүлийн хоёр жилийн хугацаанд хүүхдийн амь хохироогүй өдөр бараг байсангүй. Өдөр бүр хүүхдүүд эцэг, эх, асран хамгаалагчийн хайхрамжгүй, хэнэггүйгээс ямар нэгэн осолд өртөж, өдөр ирэх бүрт хүүхдэд ээлгүй нийгэм оршсоор л. Хуулиндаа хүүхэд арван найман нас хүртлээ эцэг, эхийн хараа хяналтад өсөж, хүмүүжих ёстой. Тэгвэл манай хууль магнаг болж, хаа сайгүй хариуцлагагүй, харгис эцэг, эхээр дүүрэн нийгэм боллоо. Үүнтэй холбоотойгоор Эргэлт.мн мэдээллийн сайт сүүлийн хоёр жилийн хугацаанд эцэг, эхийн хараа хяналтгүй, анхаарал болгоомжгүй байдлаас болж харамсалтайгаар амиа алдсан хүүхдүүдийн хэргээс түүвэрлэн, эргэн нэг сануулъя.

-ХАЛУУН УСАНД ТҮЛЭГДЭЖ, АМИА АЛДСАН ГУРВАН ОХИН-

    Одоогоос хоёр жилийн өмнө нэгэн эхийн хэвлийгээс төрсөн дэрсхэн гурван охин хэрэглээний халуун усанд түлэгдэн амиа алдсан харамсалтай хэрэг гарсан. Тодруулбал, Дархан-Уул аймгийн Дархан суманд уг хэрэг гарсан бөгөөд тухайн осол гардаг өдөр охидын ээжийг ажилладаг цэцэрлэгээс нь ойн баярын арга хэмжээнд бэлдэнэ гэж дууджээ. Хүүхэд харах хүнгүй эмэгтэй аргагүйн эрхэнд гурван охиноо гэрт нь цоожилж орхиод явсан байна . Энэ хооронд паарнаас гоожсон халуун ус, тогтой нийлснээр гал гарч, охид түлэгдэн амиа алдсан аймшигтай хэрэг гарсан юм. Энэ бол мөн л эцэг, эхчүүд хүүхдээ хараа хяналтгүй гэртээ цоожлон үлдээдгийн нэгэн жишээ. 

-ТОГТООЛ УСАНД ЖИВЖ, АМИА АЛДСАН ДӨРВӨН ХҮҮ -

   Үндэсний цэцэрлэгт хүрээлэнгийн усан сангийн тогтоол усанд 2020 оны тавдугаар сарын 17-нд 8-12 насны дөрвөн хүүхэд живж, амиа алдсан харамсалтай хэрэг гарсан. Тодруулбал, Чингэлтэй дүүргийн XII хороонд амьдардаг арван хүү Дэнжийн мянгын эцэс орчимд цуглаад Үндэсний цэцэрлэгт хүрээлэн рүү явжээ. Ингэхдээ тэд тогтоол усанд барилгын пассадны хөөсөнцөр хөвүүлж, дээр нь хэвтэн тоглож байтал нэг нь живж, бусад гурав нь араас нь аврахаар орсноор амиа алдсан харамсалтай хэрэг болсон.  Уг тогтоол ус байрладаг газрыг “Хан талст” компани 2014 оноос хойш эзэмшиж байсан. Энэ бол хэдийгээр тус компаны буруу ч нөгөө талаар хүүхдүүдээ хараа хяналтгүй явуулсан эцэг, эхийн буруу ч байгаа юм. Эцэг, эхчүүд хүүхдүүдээ хаана, ямар газар тоглож байгааг анзаарахгүй өөрсдөөсөө төвөгшөөж, "Гарч тогло" гэдэг. Гэвч нийслэлд хүүхэд тоглох зориулалтын орчин муу, алхам тутамдаа эрсдэл отож байдаг гэдгийг мэддэггүй. Үүний улмаас хүүхдүүд тоглоомын талбайн савлуураас унаж бэртсэн, тогтоол усанд живсэн хэргүүд гарсаар буй.

-ХОЙД ЭЦЭГ НЬ ХОЁР НАСТАЙ ХҮҮХДИЙНХЭЭ ХООЛОЙГ БООМИЛСОН-

   Увс аймагт төрсөн хойд эцэг нь нэг нас 11 сартай хүүгийн хоолойг нь боосон хэрэг  гарсан. Энэ талаар тус аймгийн Цагдаагийн байгууллагаас тодруулахад “Хохирогч хүүгийн ээжийн гаргасан гомдлын дагуу хэргийг шалгаж байгаа. Шүүх эмнэлэг томилж шинжилгээ явуулахад гэмтлийн зэрэг гараагүй. Хүүхдийн ээж, хойд эцэг хоёр харилцаа муу төдийгүй  архины хамааралтай, амьжиргааны төвшин доогуур иргэд байсан тул хүүхдийг аюулгүй байранд тусгаарлалтад авсан байгаа. Гэмт этгээдэд зохих ёсны арга хэмжээг авч, хариуцлага хүлээлгэнэ” гэсэн хариуг өгчээ.  

-ХОЁР ХҮҮХДЭЭ, ГЭРТЭЙГЭЭ ШАТААСАН-

  Говьсүмбэр аймгийн Сүмбэр суманд дөрвөн ханатай гэр шатаж, 10 настай эрэгтэй У, таван настай эмэгтэй А нар өртөн нас барсан байна. Тодруулбал, 35 настай эрэгтэй нь эхнэртэйгээ муудалцаж, улмаар хоёр хүүхдээ гэртэйгээ шатаасан байна. Дараа нь өөрөө хашаандаа амиа хорлосон байжээ. Мөн өнгөрсөн арваннэгдүгээр сард Баянхонгор аймагт 41 настай иргэн согтуурсан үедээ 7-14 насны гурван хүүхдээ хөнөөсөн харамсалтай хэрэг мөн гарсан. Энэ мэтээр хүүхдээ хөнөөсөн, шатаасан хэрэг олон бий.

-ТӨРСӨН ЭЦЭГ НЬ ГУРВАН ХҮҮХДЭЭ БУУДАЖ ХӨНӨӨСӨН-

  Баянхонгор аймагт эцэг нь гурван хүүхдээ буудаж, улмаар амиа хорлосон онц ноцтой гэмт хэрэг гарчээ. Тодруулбал, Баянхонгор аймгийн Баянцагаан сумын нутаг дэвсгэрт оршин суух 41 настай эрэгтэй Б нь гурван хүүхдээ буудаж хөнөөгөөд, дараа нь амиа хорлосон байна. Тодруулбал, иргэн Б нь согтууруулах ундаа хэрэглэсэн үедээ салсан эхнэртэйгээ маргалдаж, улмаар ZKK600 маркийн галт зэвсгээр хашаан дотроо иргэн Д-н гар руу буудсан байна. Дараа нь гэртээ орж төрсөн хүүхдүүд болох долоон настай эмэгтэй Н, есөн настай эрэгтэй Д, 14 настай эрэгтэй Д нарыг буудаж хөнөөжээ. Улмаар өөрийнхөө толгойн тус газар буудаж, амиа хорложээ.

-ӨНДРӨӨС УНАЖ АМИА АЛДСАН-

-НЯРАЙ ХҮҮХДИЙГ ОРЦОНД ОРХИОД ЯВСАН-

   2021 оны арванхоёрдугаар сарын 25-нд Сонгинохайрхан дүүргийн 32 дугаар байрны хойно “Нярай хүүхэд уйлаад байна” гэх дуудлага цагдаагийн байгууллагад иржээ. Дуудлагын дагуу цагдаагийн алба хаагчид очиход хүрэн өнгийн өлгийтэй, 60 см, 4.2 кг жинтэй нярайг хаяад явсан байдалтай байжээ. Хүүхдийг эсэн мэнд аварч ЭХЭМҮТ-д эмчилж байгаад, Хүүхдийн төв сувилалд хүргэсэн билээ. Эхдээ хаягдаж, аавдаа гологдсон бяцхан үрд Бямбын Зулсар хэмээх нэр хайрлаж, эл нэрээр нь хүүхдийн асрамжийн газарт бүртгэж авсан юм.

-НЭГ НАСТАЙ ХҮҮХДИЙГ ЗОДОЖ, ГУДАМЖИНД ХАЯСАН-

  Энэ сарын 25-нд нэг настай хүүхдийг зодож, гудамжинд хаясан хэрэг гарсан . Тодруулбал, Төв аймгийн цагдаагийн газарт өчигдөр “Бага насны хүүхэд зодуулж, гэмтсэн байдалтай гудамжинд байна”  гэх дуудлага иржээ. Дуудлагын дагуу шалгалтын ажиллагаа явуулахад тус аймгийн харьяат 44 настай эрэгтэй нь архи согтууруулах ундааны зүйл хэрэглэсэн үедээ гэр бүлийн хүчирхийлэл үйлдэж, 1.6 настай охиныг зодож ,гудамжинд хаясан байжээ. Тэрбээр охины ээжийн төрсөн ах гэнэ. Охиныг цаг алдалгүй эмнэлэгт хүргэж, анхан шатны тусламж үзүүлснээр амь аврагдсан байна. Охин өдгөө Зуунмод хотын Нэгдсэн эмнэлэгт хэвтэн эмчлүүлж байна.Сэжигтэн этгээд нь “Согтуу байсан учраас юу ч санахгүй байна” гэх мэдүүлгийг урьдчилсан байдлаар өгөөд байгаа аж. Хэргийг өдгөө Төв аймгийн цагдаагийн газарт хэрэг бүртгэл нээн шалгаж байна.

-ТӨРСӨН ХҮҮХДЭЭ ШИЙТГЭЖ БАЙНА ГЭЭД ГАДАА ХӨЛ НҮЦГЭН ЗОГСООЖЭЭ-

-ЭВДЭРХИЙ ЛИФТНИЙ ХААЛГААР ГУРВАН НАСТАЙ ХҮҮХЭД УНАЖ, АМИА АЛДЖЭЭ-