БНХАУ-ын талаас коронавирусийн халдварын улмаас тодорхойгүй хугацаагаар хилээ хаагаад байсан. Хоёр сар орчим хаалттай байсан Эрээний хил өнөөдөр нээгдэх талаар Гадаад харилцааны дэд сайд өчигдөр мэдээлсэн. Тэрбээр “Бэлтгэл хангагдсан учир хил нээхээр болсон” гэсэн юм.

Тэгвэл бид Эрээний хил нээгдсэн эсэх талаар Гадаад харилцааны дэд сайд С.Мөнхжингөөс дахин тодрууллаа.

        Тэрбээр “Одоогийн байдлаар автозамын боомт хаагдахаас өмнө Эрээний талд гацсан ачаатай автомашинуудыг асаах, халаах ажил хийж байна. Үүний дараа машинуудыг Эрээний талаас дундын цэгт авчирах юм. Дундын цэгт авчирсан автомашинуудыг Эрээний жолооч нар буцаад хил рүүгээ гарна. Үүний дараа манай улсын жолооч нар дундын цэгээс автомашинуудыг гаргах ажил дарааллын дагуу үргэлжилнэ. Өнөөдрөөс хил нээгдсэн гэж ойлгож болно” гэлээ.