Авлигын эсрэг үндэсний чуулган болж байна.

Энэ үеэр Улсын ерөнхий прокурорын  орлогч М.Чинбат “Гэмт хэргийн улмаас хууль бусаар олж авсан эд хөрөнгө, бэлэн мөнгө, бэлэн бус орлогоор хүлээж авах ажиллагаа явагддаг болсон. Ялангуяа авлигын гэмт хэрэгт банк, томоохон аж ахуйн нэгж, орд газрын хувь эзэмших эрх бэлгэнд авах, түүнийгээ бусдын нэр дээр шилжүүлэх нь ихэссэн. Уг олсон эрхээр дамжуулж ашиг олох, эсхүл хувьцаагаа бусдаар дамжуулан заруулж, оффшор дансанд байрлуулах, өөрийн гэр бүл, хамаатан садан, найз нөхдийн нэр дээр үл хөдлөх эд хөрөнгө, хувьцаа, лиценз худалдан авах зэргээр авлигын хэлбэр дүрсийг хувиргах ажиллагаа ихэвчлэн зохион байгуулалттай явагдаж байна" гэлээ.