Монголын үндэсний бөхийн холбооны тэргүүлэгчдийн ээлжит хурал өчигдөр буюу 2021 оны арванхоёрдугаар сарын 6-ны өдөр Монголын бөхийн өргөөнд болжээ. Тэргүүлэгчдийн хурлаар зөрчил гаргасан аймаг, сумын цолтнуудын барилдах эрхийг хасжээ.

Тодруулбал,

Үндэсний бөхийн барилдааны дүрмийн 7-р бүлэгт заасны дагуу ёс зүйн зөрчил гаргасан:

         -Аймгийн харцага Ж.Дэлгэрсайхан /2021 оны арван сарын 04-нд Ардчилсан намын нэрэмжит барилдааны нэгийн даваанд барилдахдаа зөрчил гаргасан учир нэг жилээр барилдах эрхийг хассан. Ёс зүйн доголдол гаргасан давтал үйлдэл учир ийм шийдвэр гаргажээ.

           -Сумын заан Ё.Гантулга арваннэгдүгээр сарын 13-нд Бүх цэргийн наадмын барилдааны нэгийн даваанд ёс зүйн доголдолд гаргасан учир зургаан сараар барилдах эрхийг хасах,

            -Сумын заан О.Баяржаргал арваннэгдүгээр сарын 27-нд Сумын цолтон залуу бөхчүүдийн барилдааны тавын даваанд ёс зүйн доголдол гаргасан тул барилдах эрхийг зургаан сараар хаслаа гэж Монголын үндэсний бөхийн холбооноос мэдээллээ.