Хөвсгөл аймгийн Цагаан-Уул сумын Тосон багийн Дөрөлж нуурт шатахуун ачиж явсан автомашин живсэн тухай бид өмнө мэдээлсэн. Тодруулбал, шатахуун ачсан автомашин Дөрөлж нууранд живсэн тухай дуудлага арванхоёрдугаар сарын 1-ний  өдрийн 22:35 цагт Онцгой байдлын газарт ирсэн байдаг. Дуудлагын дагуу тус аймгийн Онцгой байдлын газрын дарга хурандаа Ё.Пүрэвсүрэнгээр ахлуулсан алба хаагчид, ЗДТГ-ын ажилтнууд “ZZ1257 Хово” загварын шатахуун тээвэрлэгчийг татан гаргах ажиллагааг аранхоёрдугаар сарын 6-ны өдрийн 09:30 цагаас 18:48 цаг хүртэл зохион байгуулсан ч үр дүнд хүрээгүй байна. Харин өнөөдөр татан гаргах ажиллагааг дахин эхлүүлээд байна.