Монголын сэтгүүлчдийн нэгдсэн эвлэлийн сэтгүүл зүйн салбарын оны шилдгийн шилдгийг тодруулах “Ган үзэг 2021” наадмын Шилдэг мэдээллийн сайтаар Эргэлт.мн мэдээллийн сайт тодорлоо. Эргэлт.мн мэдээллийн сайт нь энэ удаагийн “Ган үзэг” наадмын Шилдэг хэвлэл мэдээллийн байгууллага номинацийн Шилдэг мэдээллийн сайтын төрөлд эрэн сурвалжлах цуврал бүтээлүүдээрээ өрсөлдсөн байна. Тодруулбал,

-“SOS: Шахмал түлшний барьцалдуулагч бодисыг "Алтантариа", "Атар" гурилтай хольж буй хэргийн мөрөөр” цуврал,

-“Тэнүүн Огоо” компанийнхан тээврийн хэрэгслийнхээ бүтэн байдлыг хангаагүйн төлөө нэгэн бүсгүйн амьдрал золиослогдлоо” цуврал сурвалжилга

-“Шатахуунд ус хольсон хэргийн мөрөөр...” сурвалжилга,

-“Цар тахлаар өөд болсон талийгаачийн сүүлчийн зам” цуврал сурвалжилга,

-“Оношлуур тойрсон хэдэн тэрбум төгрөгийн сэжүүр буюу ХӨСҮТ-ийн “мөнгөний гахай”-нууд”

-“Өдөржин хараалгаж, зодуулж, элдвээр доромжлуулан, хүнд хүчир ажил хийх унаач хүүхдүүдийн гунигт тэмдэглэл” цуврал,

-Ерөнхий сайд Л.Оюун-Эрдэнэ, “Херо” Б.Баатар нар “дүү”-дээ 1.9 тэрбумын тендер өгч, тоглуулсан түүх буюу “Андлалын луйвар” цуврал нийтлэл,

-“Арабуудын өргөст торон урхинд нэвт сүлбүүлсэн шонхрын эмгэнэл” цуврал,

-“Хөвч тайгад төөрсөн Д.ДОРСМАА бүсгүйн амьдрах, амьд гарахын төлөөх 129 хоногийн тэмцэл” цуврал тэмдэглэл

-Зүрх зүсэж, сэтгэл шимшрүүлсэн осол буюу 17 зүрх зогссон нь” цуврал тэмдэглэл,

-“Талийгаач охин бусдын дарамт, хүчирхийлэлд байгаагаа ангийн багш, сургуулийн захиралдаа мэдэгдэхийг оролдож байжээ” цуврал сурвалжилга,

-“Тэрбум мод тарих аян Хүдэр сумын зулзган нарсан ойг сүйдэлж дууслаа” зэрэг эрэн сурвалжлах цуврал бүтээлүүд нь улс төр, бизнесийн салбарын нөлөө бүхий албан тушаалтнуудын хууль бус үйлдлүүдийг баримттай илчилж, тодорхой үр дүн, шийдэлд хүрч, сурвалжлагуудын мөрөөр ажилласан ажлын хэсэг, багууд олон нийтийн эрх ашгийг хамгаалсан шийдвэрүүд гаргаснаасаараа онцлог болно. Түүнчлэн Эргэлт.мн мэдээллийн сайт нь олон нийтэд шуурхай, ёс зүйтэй, баримтад тулгуурласан мэдээ мэдээлэл хүргэх үүргээ сэтгүүл зүйн мэргэжлийн түвшинд хүргэж байгаа билээ. Эргэлт.мн мэдээллийн сайт нь БАЛДОРЖ шагналт анхны редакц гэдгийг онцлох нь зүйтэй.