Дэлхий дээр хүнд зориулсан нийт 10 мянга орчим мэргэжил байдаг. Харин амьтдад зориулсан хэдэн мэргэжил байдаг талаар бодож байсан уу. Амьтад ч мөн хүмүүстэй ижил амьдрахын тулд хөдөлмөрлөж, хөдөлмөрлөсөн хөлсөө хүртдэг.

Эргэлт.мн мэдээллийн сайт уншигч та бүхэнд зориулан дэлхий дээрх хамгийн их орлоготой, сонирхолтой мэргэжилтэй амьтдын тухай сонирхолтой баримтыг хүргэж байна.

Нэг сая ам.долларын орлоготой далайн гахай

Далайн гахайг амьтад дунд нэлээд өндөр ухаантайд тооцдог. Тийм ч учраас тэднийг тэнгисийн цэргийн тусгай ажиллагаанд бэлтгэж, явуулах нь элбэг байдаг.

          Далайн гахайнууд тэнгисийн цэргийн ажиллагаанд оролцохдоо усан доор тэсрэх бөмбөг аль эсвэл уурхайг илрүүлж, цэргүүдэд мэдэгддэг байна. Тэнгисийн цэрэгт ажилладаг нэг далайн гахай л гэхэд жилд нэг сая ам.долларын цалин олдог аж.

Бөмбөг илрүүлэгч харх

Албан бус мэдээгээр нэг жилд дунджаар 10 мянга орчим хүн тэсрэх бөмбөгийн дэлбэрэлттэй холбоотойгоор амиа алддаг аж. Тэдний олонх нь дайны үед суурилуулж, дараа нь идэвхгүй болгоогүй болон санаатай буюу алан хядагчдын суурилуулсан тэсрэх бөмбөг байдаг.

          Тэгвэл аюулгүй байдлын хүчнийхэн энэ ажилд харх сургадаг бөгөөд нэг хархыг есөн сар сургаснаар мэргэжлийн бөмбөг илрүүлэгч, унтраагч болдог байна. Олон тэсрэх бөмбөг ойр ойрхон суурилуулсан газарт хархыг аваачиж, бөмбөг илрүүлэгч харх голоор нь сүлжсээр аюулгүй болгох утсыг нь салгадаг гэнэ. Харин ажлынхаа хөлсөд гэр орон, хоол хүнс, ихэвчлэн амттан авдаг аж.

Түрүүч цолтой нохой

Нохойны үнэрлэх чадвар өндөр учраас олон улсын цагдаа нар нохойг тэсрэх бөмбөг, хар тамхи илрүүлэх ажиллагаанд авч явдаг. Үүгээр ч зогсохгүй нохой нь хорт хавдар, цусан дахь сахарын хэмжээ, сэтгэл гутралыг хүртэл үнэрлэх чадвартай гэнэ.

          Мөн нохойнуудыг оролцсон ажил, байгуулсан гавьяаг нь харгалзан үзэж цол олгодог бөгөөд цолноосоо хамаарч нэг жилийн орлого нь 20-50 мянган ам.доллар байдаг аж.

Бизнесмэн сармагчин

Гаднын орнуудад сармагчныг гэрийн үйлчлэгчээр ажиллуулах сонирхолтой хүн олон байдаг гэнэ. Гэрийн эзэд нь бэлтгэгдсэн сармагчинтай 3-5 жилийн хөдөлмөрийн гэрээ байгуулж, гэрийн үйлчлэгчээрээ ажиллуулдаг байна.

Ахлах муур

Их Британийн Ерөнхий сайдын ордон болох Даунинг-стрийт-10-ыг зөвхөн хамгаалалтын албаны ажилтнуудаас гадна муурнууд хамгаалдаг. Тэдний ажил нь Ерөнхий сайдын ордныг хулгана болон бусад мэрэгч амьтдаас хамгаалах.

          Ерөнхий сайдын ордныг хамгаалах үүрэг хүлээсэн муурт Засгийн газрын Хэрэг эрхлэх газрын ахлах цол олгодог. Энэ цолыг 1500-аад оноос буюу VIII Генри хааны үеэс олгож эхэлсэн бөгөөд 2015 оноос Ларри нэртэй муур дээрх цолыг эзэмшиж байгаа юм.