• Өнөөдөр 2021-04-18

Завхан аймагт “Нэг цамц-нэг мод” аян өрнөж эхэллээ

2021-04-07,   43

Завхан аймагт “Нэг цамц-нэг мод” аяныг "Үйлсийн Их Орд" ХХК-аас эхлүүлжээ.

Тэрбээр энэ талаар  “Дэлхийн дулаарал эрчимтэй явагдаж буй энэ үед иргэн бүр нэг мод тарьж, ургуулах. Улмаар байгаль орчныг хамгаалахад гар бие оролцож, ядаж л хандлагаа өөрчлөх хэрэгтэй. Манай аймаг бол хангай говь хосолсон өвөрмөц байгальтай сайхан нутаг. Сүүлийн жилүүдэд цаг уурын эрчимтэй дулаарлаас цөлжилт үүсэх аюул нүүрлэж байгааг цаг уурын байгууллагууд мэдээлж байна. Тиймээс аймгийнхаа иргэдийг мод тарьж ургуулах аянд уриалж байна.

Манай аян тун энгийн. Бид иргэн танаас зүгээр хандив авахгүй̆. Манай компанийн урладаг цамцнаас өөрт таалагдсанаа худалдан авч өмсөхийг санал болгож буй юм. Та бүхний өөртөө худалдан авалт хийсэн мөнгөөр мод тарьж, аймагтаа ногоон төгөл бий болгохыг зорьж байна.

Тиймээс та бүхэн цамцаа захиалж оёулаад ирээдүйд үр хойчдоо маш том хөрөнгө оруулалтыг хийх боломжтой гэдгийг санал болгож буй юм. Мөн энэ аянд оролцож байгаа иргэдээс азтай нэг хүнд  нэг сая төгрөгийг бэлэглэх юм. Өнөөдрийн байдлаар 60 гаруй иргэн бидний үйлдвэрлэдэг спорт загварын цамцыг худалдан аваад буй. “Нэг цамц-нэг мод” аяны хүрээнд 1000 ширхэг спорт цамцыг мод болгож ургуулна" хэмээв.

 


Завхан аймагт “Нэг цамц-нэг мод” аян өрнөж эхэллээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414