• Өнөөдөр 2025-11-17

Улсын хэмжээнд 5.3 сая төл мал бойжиж байна

2023-04-18,   638

          Мал төллөлт, хорогдолтын энэ оны нэгдүгээр улирлын байдлаар Үндэсний статистикийн хорооноос танилцууллаа. Улсын хэмжээнд 2022 оны эцэст тоологдсон төллөх насны нийт 30.9 сая хээлтэгч малын 5.5 сая буюу 17.9 хувь нь 2023 оны эхний улиралд төллөсөн байна. Тухайлбал хонины 20.6, ямааны 19.0 хувь, ингэний 9.4 хувь, үнээний 6.1 хувь, гүүний 2.3 хувь нь төллөжээ.
 
Эхний улиралд гарсан төлийн 97.3 хувь буюу 5.3 сая төл мал бойжиж байгаа бөгөөд өмнөх оны мөн үеэс гурван сая буюу 35.8 хувиар буурсан үзүүлэлттэй гарчээ. 
Том малын зүй бус хорогдол 2023 оны эхний улиралд улсын хэмжээнд 957.3 мянга болж, өмнөх оны мөн үеэс 890.1 мянгаар буюу 93 хувиар өсөв.
Харин энэ оны гуравдугаар сард 389.6 мянган мал хорогдсон нь эхний улиралд хорогдсон малын 40.7 хувийг эзэлж байгаа бөгөөд хоёрдугаар сард хорогдсон малаас 106.5 мянгаар буюу 37.6 хувиар өссөн үзүүлэлт гарчээ.
 
Том малын зүй бус хорогдлыг төрлөөр нь авч үзвэл,
 
Ямаа 427.2 мянга,
Хонь 391.1 мянга,
Үхэр 88.5 мянга,
Адуу 49.6 мянга,
Тэмээ 0.8 мянгаар хорогджээ.
 Нийт хорогдсон малын 44.6 хувийг ямаа, 40.9 хувийг хонь эзэлж байна.

Улсын хэмжээнд 5.3 сая төл мал бойжиж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.