Дархан-Уул аймгийн Дархан сумын 12 дугаар баг Тэди худалдааны төв дөрвөн давхар барилгын дээвэр дээрээс эрэгтэй хүн үсрэх гэж байна гэсэн дуудлага өчигдөр Онцгой байдлын газар хүлээн авчээ.

     Дуудлагын дагуу тус аймгийн Онцгой байдлын газрын Эрэн хайх, аврах бүлэг, Гал түймэр унтраах, аврах 22 дугаар ангийн алба хаагчдыг очиход, Дархан-Уул аймгийн иргэн 26 настай Э дөрвөн давхар барилгын дээвэр дээрээс үсрэх гэж байсныг 37 минут ажиллаж эсэн мэнд буулган аймгийн Цагдаагийн газрын мөрдөгчид хүлээлгэн өгсөн.