Засгийн газрын хуралдаанаас гарсан зарим шийдвэрийг танилцуулж байна. Энэ үеэр Барилга хот, байгуулалтын сайд Ц.Даваасүрэн мэдээлэл өглөө.

     Тэрбээр “Засгийн газрын гишүүд түгжрэлтэй тэмцэж, үр дүнг гаргана. Сэлбэ сэргэлтийн бүтээн байгуулалтын хүрээнд Улаанбаатарын төв замуудын хөдөлгөөнийг сайжруулах юм. Манай хот хөндлөн зам ихтэй. Харин Сэлбэ сэргэлтийн хүрээнд Дамбадаржаагаас “ТЭЦ-3” хүрэх зам барина. Сэлбэ сэргэлтийн хүрээнд нийт 44 километр зам барьж, 13 том гүүр, 25 холбоос гүүр барина. Тус ажлын зураг төслийг зургадугаар сард гаргаж, долдугаар сараас барилгын ажлыг хийж, 2024 онд багтааж  дуусгана” гэлээ.