Чойбалсан, Гурванзагал сумдад түймэр гарч мэргэжлийн бүлгүүд ажиллаж байна. Сүхбаатар аймгийн Эрдэнэцагаан сумын “Хадын булаг” багийн “Уртын цагаан” гэдэг газар аймгийн төвөөс зүүн урд зүгт 290 км-т, сумын төвөөс зүүн зүгт 70 км-т дөрөвдүгээр сарын 08-ны өдөр гарсан хээрийн түймэр Дорнод аймгийн Матад, Халхгол сумдыг хамарч, өчигдөр 21:00 цагт Халхгол суманд урт нь 30 км, өргөн нь таван км хээрийн түймрийг цурванд оруулж, унтраасан байна.

    Түймрийн голомтод ОБЕГ-ын харьяа Үндэсний аврах бригад, Дорнод, Хэнтий, Сүхбаатар аймгийн Онцгой байдлын газар, Дорнод, Сүхбаатар аймгийн Хилийн цэргийн ангиуд, Дорнод аймгийн Матад, Халхгол, Сүхбаатар аймгийн Эрдэнэцагаан сумын Гамшгаас хамгаалах алба, мэргэжлийн ангийн гишүүд, иргэдийн нийт 250 орчим төлөөлөл ажилласан юм. Мөн Эрчимт эмчилгээ болон гэмтлийн эмч нараас бүрдсэн эмнэлгийн бүлэг ажилласан ба одоогоор түлэгдсэн, угаартсан иргэд байхгүй байна. Нийт хохирлын хэмжээ хараахан гараагүй байна.