Дорнод аймгийн Халхгол суманд том оврын автомашин мөргөлдөж, жолооч нар бэртэж, зарим нь амиа алдсан гэх мэдээлэл бий. Энэ талаар ЦЕГ-ын Хэвлэл мэдээллийн төвийн мэргэжилтэн, цагдаагийн хошууч Д.Оюунаас тодрууллаа. Тэрбээр “Өчигдөр 14:00 цагийн үед Халх гол сумын нутаг дэвсгэрт таван автомашин ар араасаа мөргөлдөж, 50 настай эрэгтэй амь эрсэдсэн дуудлага бүртгэгдсэн. Харин бэртсэн хүмүүсийн дуудлага мэдээлэл бүртгэгдээгүй байна. Их хэмжээний гал түймэр гарч, шороон шуургатай байсан учир үзэгдэх орчин хязгаарлагдсаны улмаас осол гарсан байж болзошгүй урьдчилсан нөхцөл байдал тогтоогдсон байна” гэлээ.