Дорнод аймгийн Халхгол суманд их хэмжээний хээрийн түймэр гарсан. Энэ талаар тус сумын Засаг дарга Х.Хүрэл-Эрдэнээс тодрууллаа.

    Тэрбээр “Манай суманд гарсан түймэр унтраагүй байна. Хүчтэй шороон шуургатай, үзэгдэх орчин 200 метрээс цааш хязгаарлагдмал байна. Түймэрт айлын гэр, хашаа, саравч өртсөн. Гал бүрэн унтраагүй учир хэчнээн хэмжээний га талбай шатаж, хохирсон болох тоон мэдээлэл гараагүй байна. Хээрийн түймэр анх Сүхбаатар аймгийн Эрдэнэцагаан суманд гарч манай сумын хамарсан. Хүчтэй салхитай байгаа учир түймэрт ойртохын эцэсгүй байгаа. Гэхдээ 300 орчим хүн түймэр унтраахаар тусгай тоног төхөөрөмж ашиглаж ажиллаж байгаа” гэв.