Цэвэр байгалийн, идэж болдог гоо сайхны бүтээгдэхүүн, шинэ брэнд үүсгэн байгуулагч А.Ариунболортой ярилцлаа. 

-Сайн байна уу. Та өөрийгөө бидэнд танилцуулна уу?

      -Намайг Александрын Ариунболор гэдэг. Дарханд төрж өссөн. МУИС-д суралцаж төгссөн цагаасаа одоог хүртэл гадаад хүмүүст монгол хэл зааж байна.

-Та тэс өөр салбарын хүн юм байна.Ямар жимээр эмийн ургамал,гоо сайхны бүтээгдэхүүнтэй холбогдчихов?

     -Биднийг багад манайх идэшний ногоогоо тариалж, зоорилоод жилийн турш хэрэглэдэг байсан. Тиймээс эмийн ургамал тариалах нь надад их ойр дөт байсныг хэлэх нь зүйтэй. Гэхдээ гол шалгаан нь би хорь гаруй насандаа хүнд өвчин тусаад эмнэлгээр яваад илааршиж чадалгүй эмийн ургамлаар эдгээсэн. Энэ учгаар л эмийн ургамалтай холбогдсон түүхтэй.

-Гоо сайхны бүтээгдэхүүн үйлдвэрлэх нь таны хобби байсан уу эсвэл хэрэгцээ байв уу?

     -Аль аль нь гэж хэлж болох байх. Эхэндээ эмийн ургамлуудыг холиод өвчтэй хүмүүст үнэ төлбөргүй өгдөг байлаа. Манай анхны бүтээгдэхүүн эмийн ургамлуудтай зөгийн бал байсан. Ходоодны асуудалтай олон ч хүн хэрэглэж эдгэрээд талархахад их урам авдаг байлаа. Би өөрөө маш эмзэг мэдрэмтгий арьстай. Байнга харшилна,хуурайшина,улайна.Таарсан гоо сайхны бүтээгдэхүүн олно гэдэг бол амаргүй. Бас бамбайн дутмагшилтай болохоороо хурдан хордлогонд орчихно. Юунаас хордсоноо заримдаа олохгүй. Нэг удаа салфеткан маск тавиад илүү гарсныг нь хүзүүндээ түрхчихсэн. Өмнө нь ч бас хааяадаа адилхан л түрхчихдэг байсан. Тэр удаад маш хурдан хордлогонд орсон. Маскны үнэрт ч их мэдрэг шинж илэрсэн. Ургамал ууж хороо тайлаад судлах хоббигоороо судалтал хүний идэж буй хоол хүнс олон эрхтэн системээрээ боловсруулагдаад ихэнх хороо гадагшлуулчихдаг тогтолцоотой юм байна. Харин гоо сайхны бүтээгдэхүүн шууд арьсны сүвээр шингэж цусанд орж олон өвчний үүсгэвэр болох боломжтойг мэдсэн. Эндээс л өөртөө зориулж гоо сайхны бүтээгдэхүүн хийх сэдэл төрж урт хугацаанд судалж, туршиж, бүтэлгүйтэж өнөөдрийн Biostyle-н бүтээгдэхүүнүүд төрсөн.

-Та идэж болох гоо сайхны бүтээгдэхүүн гэдгээ илүү тодруулаач?

     -Яг энэ цаг үед дэлхий дээр цэвэр байгалийн, идэж болдог гоо сайхны бүтээгдэхүүн хамгийн хүсэмжит бүтээгдэхүүн болж байна. Идэж болдог найрлагатай,идсэн ч хордох зүйлгүй гэсэн үг.Бидний уламжлалд ч таргаар нүүрээ цэвэрлээд бор цайгаараа угаачихаад сүүний зөөхийгөө түрхчихдэг байсан. Цас мөсний ус, голын ус гээд амьд байгалийн усаар үсээ угаагаад ганга үнэртүүлчихсэн явдаг гээд дурдвал бидний дээдэс эко хэрэглээтэй.

-Та онцлох бүтээгдэхүүнээ дурдвал?

    -"АМЬД КОЛЛАГЕН","ҮСНИЙ ТОС","ҮЕНИЙ ТОС" гурвыг онцолмоор байна. АМЬД КОЛЛАГЕН бол үрчлээний эсрэг, эхний хэрэглээгээрээ л үр дүнгээ харж болдог маск юм. Анх хийхдээ үрчлээний эсрэг, цайруулах, чийгшүүлэх зорилготой байсан ч хүмүүсийн хэрэглээний явцад батганд маш өндөр нөлөөтэй нь мэдэгдсэн. ҮСНИЙ ТОС цэвэр эмийн ургамлууд өндөр чанар бүхий тосоор үйлдвэрлэдэг. Үс халцарч унасанд түрхэхэд маш хурдан ургадаг, уналт багасдаг гээд олон асуудлыг шийдэхээс гадна нойргүйдэл, толгойн өвдөлт, тархины судасны нарийсалтад гаргууд үр дүнтэй. Хэрэглэгчдийн маш их таашаадаг, бие биедээ санал болгодог бүтээгдэхүүн. ҮЕНИЙ ТОС өвдөг бохирох, өвдөлт өгөх, хөдөлгөөн хязгаарлагдсан нөхцөлтэй хүмүүс хэрэглээд богино хугацаанд үр дүнгээ өгдөг. Түүнчлэн үений хагалгааны заалттай хүмүүс ч их хэрэглэдэг. Солонгост ажилладаг монголчуудын хамгийн их худалдан авалт хийдэг тос. Гар сарвуу, тохойн үе, хуруу, шагай, мөрний мэдрэлийн өвдөлтөд хэрэглэдэг. Өөр хэд хэдэн онцлог бүтээгдэхүүн бий. Энэ удаад эдгээрийг онцлоод ярья.

-Хадгалах хугацаа, хэрэглэх онцлогийн тухайд?

     -Дээр хэлсэнчлэн манай бүтээгдэхүүнүүд цэвэр ургамлын, ямар ч хадгалагч бодис, хугацаа уртасгагч ороогүй тул хоол хүнсний адил муудах, хадгалах горим шаардах зэрэгт анхаарах хэрэгцээ гардаг. Мөн хэрэглэгчийн боловсрол шаарддаг. Үүнтэй уялдаад бүтээгдэхүүний тайлбарыг зөвхөн пэйж хуудастаа  бичдэг. Хэрэглэгчдийнхээ гар дээр шилэн савалгаатай "НҮЦГЭН" бүтээгдэхүүн л тавьдаг. Энэ нь хог хаягдал багасгахад бидний оруулж буй хувь нэмрээс гадна "НҮЦГЭН БҮТЭЭГДЭХҮҮН" худалдах туршилт хийгдэж байна. Хэрвээ хэрэглэгчид бүх зааврыг цахим мэдээллээс авч хэрэглээд дадчихвал олон гялгар хаягдлыг халах боломж бийг ч үгүйсгэхгүй. Манай бүтээгдэхүүн хугацаа богинотой тул зөвхөн захиалгын дагуу гар аргаар хийгдэж цоо шинээрээ хүргэгддэг. Бага насны хүүхдээс эхлүүлээд хүнд өвчтэй хүмүүс ч санаа амар хэрэглэх байгалийн хүч чадлыг бишрүүлсэн өндөр үр дүнтэй бүтээгдэхүүнийг хамгийн боломжит үнээр санал болгодог.

-Таны ажил үйлст өндөр амжилт хүсье.

    -Баярлалаа.