БОАЖЯ-ны Тусгай хамгаалалттай бүс нутгийн удирдлагын газрын даргын албан үүргийг түр орлон гүйцэтгэж байсан Д.Батмөнхийн нийтийн албанд томилогдох эрхийг таван жилээр хасаж, 10 сая төгрөгөөр торгох шийтгэл оноожээ. Түүний шүүх хурал өнөөдөр Баянзүрх, Сүхбаатар, Чингэлтэй дүүргийн Эрүүгийн анхан шатны шүүхэд болсон. Тэрбээр Д.Мөнх-Эрдэнэ, “Eвросервис” ХХК-ийн захирал Б.Ганбаяр нарт газрын гэрчилгээ гаргаж өгч, 30 сая төгрөгийн хахууль авсан хэрэгт холбогдож байсан билээ.