Булган аймагт автомашины тээшнээс хүлээтэй цогцос олдсон онц ноцтой гэмт хэрэг бүртгэгджээ. Тодруулбал, Булган аймгийн Орхон сумын хоёрдугаар багийн нутаг дэвсгэрээс 62 настай Г-г  автомашины тээшнээс  хүлээтэй, амиа алдсан байдалтай олдсон талаарх дуудлага мэдээлэл цагдаагийн байгууллагад иржээ.

     Амиа алдсан 62 настай Г-нь Эрдэнэтэд амьдардаг бөгөөд тухайн өдөр таксинд явахаар гэрээсээ гарчээ. Улмаар таксинд явж байтал 26 настай Д, 31 настай А, Б нар “Адууны эрэлд явах гэсэн юм. Таксины мөнгийг нь өгье. Үйлчлээд өгөөч" хэмээн авч явсан байна. Ингээд Булган аймгийн Орхон сумын нутагт зорчиж, явах замдаа жолооч Г-г зодож, автомашиных нь тээшинд  чихжээ. Цаашлаад малчин айлын гадна очих үеэр амь хохирогч тусламж хүсэж орилоход түүнийг зодож ухаан алдуулан, улмаар тээшинд нь цоожилж явжээ.