Баян-Өлгий аймгийн Ногооннуур сумын долдугаар багийн Шар модон гэх газарт хээрийн гал түймэр гарсан тухай дуудлага өчигдөр тус аймгийн Онцгой байдлын газарт иржээ. Дуудлагын дагуу  аймгийн Онцгой байдлын газрын Гал түймэр унтраах, аврах 31 дүгээр ангийн алба хаагчид, сумын Засаг даргын Тамгын газрын ажилтнууд, сумын Мэргэжлийн ангийнхан хээрийн гал түймрийг унтраах ажлыг зохион байгуулан ажиллаж тухайн өдрийн 20:30 цагт цурамд оруулж, 23:20 цагт бүрэн унтраасан байна. Түймэрт нийт хээрийн таван га талбай өртөж шатжээ.