Ирвэс хамгаалагч Т.Лхагвасүмбэрэл агсаны аав Жалын Төмөрсүх Монгол Улсын Байгаль орчны гавьяат ажилтан цол хүртлээ. Энэ үеэр бид түүний баярын сэтгэгдлийг хуваалцсан юм. 

    Тэрбээр, "Төр засгаас үнэлэн өгч буй энэ шагнал зүрх сэтгэлийг татан хатан налайж, хаан их сарьдагтаа үнэхээр их баярлалаа. Төрүүлж өсгөсөн аав, ээждээ баярлалаа. Байгал хамгаалах ажилдаа зүрх сэтгэлээ зориулан явахад арын албыг хашиж байсан хань ижил, үр хүүхдүүддээ баярлалаа. Эх байгалийнхаа төлөө хамтран ажилласан бүх хүнд баярлалаа. Дархадын сайхан нутгаа зэрлэг амьтадын диваажин болговол энэ нутагт төрж, өссөн миний сэтгэл баярлах байна аа. Төрийн дуулал эгшиглээд шагналаа авах үед ямагт миний төлөө санаа зовдог эхнэр, мөн эн салбарт сэтгэл зүрхээ зориулж явсан сайхан хүү минь л бодогдож байлаа. Энэ шагналаа тайгад өнгөрүүлсэн амьдралын минь зүтгэл байлаа гэж харж байна" гэв.