• Өнөөдөр 2022-11-27

ЮНЕСКО-ГИЙН ИВЭЭЛ ДОР НҮҮДЛИЙН СОЁЛ, ИРГЭНШЛИЙГ СУДЛАХ ОЛОН УЛСЫН ХҮРЭЭЛЭНГИЙН ГИШҮҮН УЛСЫН ТӨЛӨӨЛӨГЧИДТЭЙ УУЛЗЛАА

        Улаанбаатар хотноо төвтэй ЮНЕСКО-гийн ивээл дор Нүүдлийн соёл иргэншлийг судлах олон улсын хүрээлэнгийн ээлжит бус тавдугаар чуулганд оролцохоор хүрэлцэн ирсэн тус хүрээлэнгийн гишүүн улсын төлөөлөгчдийг Төрийн нарийн бичгийн дарга Н.Анхбаяр энэ оны арваннэгдүгээр сарын 23-ны өдөр хүлээн авч уулзав.

         Уулзалтын үеэр Төрийн нарийн бичгийн дарга Н.Анхбаяр Нүүдлийн соёл иргэншлийг судлах олон улсын хүрээлэнг 1998 онд хамтран байгуулж, өнөөг хүртэл тус хүрээлэнгийн үйл ажиллагааг тууштай дэмжиж ирсэн гишүүн улс болох Казахстан, Киргизстан, Турк Улсын эрдэмтэн судлаачид, түүнчлэн ЮНЕСКО-гийн Нийгэм Хүмүүнлэгийн шинжлэх ухааны салбарын Судалгаа, бодлого төлөвлөлтийн газрын “Торгоны зам” хөтөлбөрийн төлөөлөгчдөд талархал илэрхийлэв.

        Төрийн нарийн бичгийн дарга Н.Анхбаяр уг хүрээлэнгийн цаашдын үйл ажиллагааг улам бүр бэхжүүлэн хөгжүүлэх чиглэлээр судлаач, эрдэмтэд, холбогдох төлөөлөгчидтэй санал солилцохын зэрэгцээ Нүүдлийн соёл иргэншлийг судлах олон улсын хүрээлэнгийн ээлжит бус тавдугаар чуулганы үйл ажиллагаанд нь амжилт хүсэв.

         ЮНЕСКО-гийн ивээл дор Нүүдлийн соёл иргэншлийг судлах олон улсын хүрээлэнгийн ээлжит бус тавдугаар чуулга энэ оны арваннэгдүгээр сарын 25-ны өдөр Гадаад харилцааны яам дээр болно. Тус хүрээлэн 1998 онд Монгол, Индонез, Казахстан, Киргиз, Турк Улсын Засгийн газар хоорондын олон талт гэрээгээр байгуулагдсан.


ЮНЕСКО-ГИЙН ИВЭЭЛ ДОР НҮҮДЛИЙН СОЁЛ, ИРГЭНШЛИЙГ СУДЛАХ ОЛОН УЛСЫН ХҮРЭЭЛЭНГИЙН ГИШҮҮН УЛСЫН ТӨЛӨӨЛӨГЧИДТЭЙ УУЛЗЛАА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188