Өвөрхангай аймгийн Зүүнбаян-Улаан сумын малчин Д.Буянтогтохын гэр бүл 2020 оны тавдугаар сард осгосон бугын элийг тэжээн өсгөж Борхүү хэмээн нэрийдсэн байдаг.

    Тэгвэл мэргэжлийн байгууллагын зөвлөмжөөр амьтны үр төл гурван нас хүрэхэд өөрийгөө зэрлэг амьтан болон хүний хөл хөдөлгөөнөөс хамгаалах, идэш тэжээлээ олж идэх чадвар тогтдог гэж үздэг учир Борхүү бугыг эзэд нь Богд ууланд нутагшуулахаар Улаанбаатар хотод авчирсан билээ.

   Гэтэл цахим сүлжээнд Борхүүг Богдхан уулнаас буусан байна гэх бичлэг, мэдээлэл цацагдсан. Бид энэ мэдээллийн дагуу тус сумын байгаль хамгаалагч Г.Сүхбаатараас тодруулахад,

          Тэрбээр “Цахим сүлжээнд бичлэг нь цацагдсан буга Борхүү биш. Борхүү “Мөнгөн эгшиг” ХХК-ийн амьтан хамгаалах төвийн талбай буюу Богдхан уулын Тайнын аманд бий” гэсэн юм.

Харин сошиал орчинд зураг нь цацагдсан буга нь Тэрэлжид байж байгаад Богд уул руу бууж ирсэн аж.