Сургуулиасаа гарч яваад, сураггүй алга болжээ. Тодруулбал, Завхан аймгийн Улиастай сумын Өлзийт багт арваннэгдүгээр сарын 21-ний 15:00 цагт 15 настай хүүхэд сургуулиасаа гарч яваад, сураггүй болсон тухай дуудлага Онцгой байдлын газарт иржээ.

     Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчид ар гэрийнхэнтэй нь хамтран Жишиг хорооллын оршин суугч 15 настай, Н-ийг  хайж эхэлжээ. Эрлийн баг арваннэгдүгээр сарын 21-ний 23:55 цагаас эхлэн  Чигэстэй гол, Таван чихийн-Ам, Худгийн-Ам гэх газруудаар эрэн хайх ажиллагааг зохион байгуулан ажиллаж байна.