Дархан-Уул аймгаас сураггүй болсон Д.Буяннэмэх охиныг найз залуутайгаа самарт явсан байсныг олсон гэх мэдээлэл гарсан. Энэ талаар түүний эгчээс тодрууллаа. Тэрбээр “Бид дүүгээ олоогүй. Дүүг минь авч явсан байж магадгүй гэх шар үстэй залуугийн аав, ээжтэй бид уулзсан. Түүний ээж цагдаад “Хүү минь ядуу айлын охин дагуулаад ирэхээр нь гутал, хувцас өмсүүлээд самарт явуулсан” гэж мэдүүлэг өгсөн байна лээ. Цагдаа нар Төв аймгийн Мөнгөнморьт суманд эрлийн ажиллагааг үргэлжлүүлж байгаа гэсэн. Бидэнд түүний ээжийн мэдүүлгээс өөр мэдээлэл байхгүй. Цагдаагийн газрынхан дүүг минь олсон гэх худал мэдээлэл байршуулсан байна лээ” гэв.