Хөвсгөр цас хаялан, шинэ жилийн дуу эгшиглэж, гэгэлзсэн харц дүүрэн хүмүүс шинэ жилийн баярыг хүлээнэ. Хүүхэд байхад шинэ жилийн баярыг уут дүүрэн бэлгээр төсөөлдөг байлаа. Одоо харин өмнөх оноо дүгнэн шинэ оноо төлөвлөдөг болжээ. Гэсэн ч өнөө л танил болсон дуунууд, өвлийн өвгөн, цасан охид санаанд  бууж  шинэ жилийн баярыг хүлээн сэтгэл догдлон байна.  Хүн бүрийн сэтгэлд мартагдашгүй шинэ жилийн баяр, түүнийг санагдуулах зүйлс бий.

 ГЭРТЭЭ ГАНЦААРАА

      Хэзээ ч уйдахгүй шинэ жилийн кино бол “Гэртээ ганцаараа” билээ. 1990 онд анх дэлгэцнээ гарсан “Гэртээ ганцаараа” нь 2017 оныг хүртэл 27 жилийн турш инээдмийн киноны төрөлд жилд олсон ашгаараа тэргүүлжээ.

БАЯРЫН ШИРЭЭ   

        Шинэ жилийг өнгө алагласан, амттай хоолоор дүүрэн баярын ширээгүйгээр төсөөлөхийн аргагүй. Халуун ам бүлээрээ цуглаад өдөржин баярын ширээн дээрх зоогоо бэлдсэн ч бөөндөө сууж идэхээсээ өмнө цадчихдаг даа.

УУТ ДҮҮРЭН БЭЛЭГ

  Уут дүүрэн амтат бэлэггүйгээр шинэ жилийн баярыг төсөөлөхгүй.  

ЗУЛ САРЫН ГАЦУУР МОДНЫ ЧИМЭГЛЭЛ

        Зул сарын гацуур мод нь шинэ жилээр авахыг хүссэн бүх зүйлийн бэлгэдлийг агуулсан байх ёстой байдаг байна.  Зул сарын гацуур модыг чимэглэхдээ хүсэл мөрөөдөл, төлөвлөгөөгөө бодож, хүслээ дэвшүүлж, хүмүүст аз жаргал хүсээрэй.

       МАНДАРИН

     Амттан ховор цагийн хүүхдүүдэд хөгжилтэй дурсамж дэндүү олон. Шинэ жил дөхөх бүрд аав, ээж минь мандаринтай холбоотой дурсамжуудаа яг л өчигдөрхөн болсон мэт ярьцгаадаг билээ.