Сайн байна уу? Хайрт аав минь. Хүү нь таны тойроод биш туулсан цаг мөчийг яг одоо үеийн найз нөхөдтэйгөө туулаад л байна. Та минь сайн байгаа гэдэгт маш их итгэлтэй байгаа. Хүн амьдралын гол утга учрыг хамгийн дотно нандин эрхэм зүйлээ хамгаас их санаж боддог юм байна лээ. Тэр л зүйлсээ хол байхдаа ухрааж ойлгодог шиг. Хүү нь цэргийн албанд дасан зохицоод найз нөхөдтэй ч болоод их зүйлийг шамдан суралцаж байна. Өвдөг дээрээ сөхрөөд шантарч унамаар үе зөндөө байсан. Гэхдээ таныхаа хэлсэн тэр л нандин үгнүүдийг тухайн үедээ төдийлөн сайн ойлгодоггүй байсан хэрнэ шантармаар үе дээрээ дахин нэг бодож ухааран өөртөө урам зориг сэтгэлийн тэнхээтэй болж дахин нэг удаа эргээд л босож байна даа хүү нь. Ааваа  цэрэгт байх ямар мэдрэмж төрүүлдгийг та минь мэднэ дээ.

Одоо л хүү нь асуултынхаа  хариуг олсон мэт санагдаж байна ааваа

Хамт олон мөр зэрэгцэн алхах найзууд, алхаа гишгээ, буу, дасгал сургуулийн дадлага гээд л цэргийн албанаас мэдэрч, авч болох мэдрэмжийг үгээр илэрхийхийн араггүй тансаг гээд боддоо ааваа. Хүү нь ямар ч байсан маш их хичээгээд аавын нэрийг дуурсгасан алдрын дайтай хүн болоод очно.

Та минь хүүгийнхээ хажууд урт удаан жаргаарай. Хайрыг мэдрэх гэж хүмүүний хаалгыг нээн орчлон хорвоод мэндэлсэн

Эх орондоо ихийг бүтээх эрдэмд суралцаад бүрэн боловсорч таныгаа зорино. Та санадаг уу тантайгаа хүү нь сар гаруй тээврийн ажилд авж байхдаа таны мэлмийнээс нулимс бөмбөрөн, асгаруулж барин хэлж байсан тэр сургаал тань хүүгээ их ухааруулж байжээ. Таныгаа гомдоодог байсан даа гүнээ уучлалт хүсмээр байна. Амьдралын тань үргэлжлэл мунхаг хүү тань үлдсэн амьдралынхаа туршид мундаг эр  хүн байна гэдгээ амлаж байна. Харин хэрхэн яаж дуусашгүй их хүсэл мөрөөдөлтэй болох нь цэргийн боловсролоос суралцан байж чадна гэдгээ мэдэрлээ. Хүү нь хичээнэ ааваа. Та минь хүүгийнхээ хажууд урт удаан жаргаарай. Хайрыг мэдрэх гэж хүмүүний хаалгыг нээн орчлон хорвоод мэндэлсэн. Хайрын мэдэрсэн тэр цагаас бусдад түгээж эхэлнэ. Хаанаас үүдэлтэй хайр вэ, хаанаас урган салаалдаг бол гэж өөрөөсөө цөөнгүй удаа асууж байж мэдлээ. Одоо л хүү нь асуултынхаа  хариуг олсон мэт санагдаж байна ааваа. Хүү нь цэргийн албаа нэр төртэйгөөр сайн хаагаад хурдхан тань дээрээ очиж “Санасан шүү ааваа” гэж хэлээд чангаас чанга тэврэх болно. Тандаа хязгааргүй их хайртай шүү ааваа. Хүндэтгэсэн таны хүү: Д.Ариунсугар

Зэвсэгт хүчний 326-р ангийн байлдагч Д.Ариунсугар