Жил бүр уламжлал болгон зохион байгуулладаг Япон Улс дахь монголчуудын “Хаврын баяр”-ыг энэ жил цахимаар зохион байгуулахаар болжээ.

1999 оноос эхэлсэн тус баяр Япон Улсад амьдарч, ажиллаж, суралцаж байгаа монголчуудын хамгийн том баяруудын нэг бөгөөд өнгөрсөн 2020 онд цар тахлын улмаас цуцлагдаад байсан тус баярыг энэ жил цахимаар зохион байгуулахаар болсон аж.

“Хаврын баяр”-ын арга хэмжээний томоохон хэсэг нь спортын тэмцээн уралдаан.

Спортын тэмцээн, уралдаануудыг Япон Улсад оршиж сууж байгаа монголын сүмо бөхчүүд ивээн тэтгэж, зарим үед өөрсдөө оролцдог гэнэ.

Харин энэ удаагийн “Хаврын баяр”-ын спортын тэмцээнийг Япон Улсын долоон хотод шилжин зохион байгуулахаар болжээ.