Өнгөрсөн зургаан сарын хугацаанд Улаанбаатар хот болон арван аймагт 130 "Ногоон Өртөө" ашиглалтад оржээ. Цахилгаан тээвэр өрхийн хэрэглээнээс хүнд даацын тээвэрт шилжиж байна. Цаашид Замын-Үүд, Улаанбаатарын 672 км замд долоон ногоон өртөө байгуулна. Эхний 200 цахилгаан ачааны авто машиныг тээвэрт нэвтрүүлнэ. Энэ бол импортын түлшинд зарцуулдаг 600 сая ам.долларын зардлыг бууруулах боломж юм. Гадагш урсдаг мөнгөө дотоодын эрчим хүч, ажлын байр, монголчуудын орлого болгох шинэ эхлэл юм. Засгийн газар үндэсний компаниудынхаа ногоон өртөө байгуулах, дотоодын цэвэр эрчим хүч үйлдвэрлэлээ өргөтгөх санаачилгыг дэмжинэ.