Олон улсын таеквондо-гийн холбоо (ITF) байгуулагдсаны 60 жилийн ойд зориулсан “ITF 60th Anniversary Summit” арга хэмжээ 2026 оны арваннэгдүгээр сарын 5–9-ний өдрүүдэд Австри Улсын Вена хотноо зохион байгуулагдаж байна. Ойн арга хэмжээний хүрээнд Олон улсын шүүгчийн сургалт, Олон улсын дасгалжуулагчийн сургалт, Олон улсын техникийн семинар болон олон улсын хэмжээний хурал, уулзалтууд зохион байгуулагдаж байгаа юм.

    Тус арга хэмжээнд Олон улсын таеквондо-гийн Монголын холбоог төлөөлөн тэргүүн дэд ерөнхийлөгч С.Энхбаатар, ерөнхий нарийн бичгийн дарга Б.Мөнх-Оргил, удирдах зөвлөлийн гишүүн Н.Гэрэлмаа, олон улсын шүүгч Ц.Дэлгэрцэцэг нар оролцож байна. “ITF” таеквондо-гийн гэр бүлийн 60 жилийн түүх, уламжлалыг хүндэтгэн, олон улсын хамтын ажиллагаа, мэдлэг туршлагаа солилцож буй энэхүү түүхэн арга хэмжээнд Монголын холбооны төлөөлөгчид амжилттай оролцож явна.