ОХУ-ын Орёл хотноо каратэгийн “International All-Style Karate Federation” (IASKF)-ийн дэлхийн аварга шалгаруулах тэмцээн болжээ.  Тус ДАШТ-д дэлхийн 31 орны 4227 тамирчин оролцсон байна. Энэ удаагийн тэмцээнд Монголын каратегийн холбооны тамирчид ганцаарчилсан ката буюу хөдөлгөөн дасгалын төрөлд амжилттай оролцож, нэг алт, хоёр мөнгөн медаль хүртжээ.

Медаль хүртсэн тамирчид:

Москва хотын Хуулийн их сургуулийн оюутан Нармандахын Нарангоо алтан медаль.

ХААИС-ийн ЭЗБС-ийн нэгдүгээр курсийн оюутан Галбадрахын Санжидмолом мөнгөн медаль.

МУИС-ийн Франц судлалын хоёрдугаар курсийн оюутан Пүрэвжавын Маралжингоо мөнгөн медаль тус тус хүртсэн байна.