Хятадын Шиань хотноо 2026 оны наймдугаар сарын 7-9-ний өдрүүдэд болсон дэлхийн бөхийн холбооны тэмцээний эрэгтэйчүүдийн чөлөөт бөхийн 57 кг-ын жинд Монгол Улсын тамирчин ОУХМ Батхуягийн Мөнх-Эрдэнэ алтан медаль хүртэж, тус тэмцээнд хоёр дахь удаагаа аваргын алтан медалийн эзэн боллоо. Ийнхүү энэ оны эхээр дэлхийн шилдгүүдийг нэг дор цуглуулдаг Иван Ярыгины нэрэмжит олон улсын тэмцээний 57 кг-д түрүүлж, аваргын алтан медаль хүртсэн Мөнх-Эрдэнэ олон улсын дэвжээнд амжилтаа дахин батлан харууллаа.