Завхан аймгийн Яруу сумын уугуул, үндэсний бөхийн  улсын гарьд, МУГТ Мөнхтөрийн Лхагвагэрэлийн шинэ цолыг мялааж, Завхан аймгийн нутгийн зөвлөлөөс гурван өрөө байраар бэлэг барив. МУГТ М.Лхагвагэрэл ардын хувьсгалын 105 жилийн ойн баяр наадамд аймгийн арслан Х.Балжиннямаар дөрөв, аймгийн арслан Т.Дүүрэнсарангаар тав, аймгийн арслан А.Нармандахаар зургаа, улсын заан С.Сүхбатаар долоо, аймгийн хурц арслан Д.Алтанцоожоор найм давж Монгол Улсын гарьд цолыг хүртсэн билээ. Тэрбээр чөлөөт бөхөөр  ДАШТ-ий мөнгө, хүрэл медальтай. “Токио-2020” олимпын шагналт V байрт шалгарч байлаа.