Бүгд Найрамдах Солонгос Улсын Мужу хотноо 2026 оны долдугаар сарын 1–9-ний өдрүүдэд Дэлхийн таеквондо-гийн холбооноос зохион байгуулсан “2026 World Taekwondo Partnership Program” сургалт амжилттай болж өндөрлөлөө. Энэ удаагийн сургалтад дэлхийн 24 орны 78 шүүгч, дасгалжуулагч, тамирчин хамрагдав.

    Таеквондогийн спортын орчин үеийн онол, арга зүй, дасгалжуулалт, шүүлтийн шинэчлэл болон олон улсын хөгжлийн чиг хандлагын талаар мэдлэг, ур чадвараа дээшлүүлэв. Монголын таеквондо-гийн холбоог төлөөлөн шүүгч, дасгалжуулагч О.Хос-Эрдэнэ, Э.Эрдэнэсүрэн, М.Балжинням, Г.Уянтөмөр нар сургалтад амжилттай хамрагдаж, хөтөлбөрөө бүрэн дүүргэн батламжаа гардан авлаа.