Сагсан бөмбөгийн “Хасын хүлгүүд” багийн холбон тоглогч, ОУХМ , Отгонбаатарын Сэргэлэн Монгол Улсын гавьяат тамирчин боллоо. Тэрбээр Монголын сагсан бөмбөгийн спортод 22  жил зүтгэхдээ өөрийн даруу төлөв хичээнгүй байдлаараа олон хүүхэд залууст үлгэр жишээ болсоор байгаа билээ.
О.Сэргэлэнгийн хувьд:
- Монгол Улсын Шигшээ багийн бүрэлдэхүүнд тасралтгүй 12 жил тоглож байгаа.
- 2014 оны Инчеоний Азийн Наадмын “Шилдэг найм”-д шалгарч байсан.
- 2014, 2017, 2018, 2022, 2024, 2025, 2026 онуудын дээд лигийн долоон удаагийн аварга 2016, 2019, 2020 онуудад дэд аварга, 2015, 2023 онуудад хүрэл медаль хүртсэн.
- 2018-2019 оны “Тэргүүн Тоглогч”
- 2025 оны Азийн клубуудын аварга (BCL ASIA) хүрэл медаль.
- 2025 оны Зүүн Азийн клубуудын аварга (BCL East Asia) алтан медаль.
- Олон улсын хэмжээний мастер цолыг тус тус хүртсэн амжилтыг үзүүлсэн юм.

    Тэрээр 2023 оноос “PG Acadeмy”-г үүсгэн байгуулж, залуу хойч үеийн 800 гаруй хүүхдэд эрүүл амьдралын хэв маяг, тэр дундаа сагсан бөмбөгийн спортыг анхнаас нь зааж, дасгалжуулан улс, хотын чанартай тэмцээнүүдэд бэлтгэн оруулсаар ирээдүйн сагсчдыг бэлдэж байна.