“FIDE World Team Rapid and Blitz Chess Championships 2026”  тэмцээний 11-р өрөгт манай баг дэлхийн шилдэг тамирчдаас бүрдсэн “WR Chess”  багийн эсрэг 4:2 харьцаатайгаар ялалт байгуулж, томоохон амжилтын эзэд боллоо. Ийнхүү Монгол Улсын баг 2026 оны рапид болон блиц төрлийн дэлхийн аварга шалгаруулах багийн тэмцээний “Рапид U2400” ангиллын дэлхийн аварга баг боллоо.

    Германы тэрбумтан Вадим Розенштэйний үүсгэн байгуулсан, 2696 дундаж чансаатай, тэмцээнийг тэргүүлж байсан “WR Chess”  багийн бүрэлдэхүүнд дэлхийн номер нэг  Магнус Карлсен, дэлхийн номер хоёр Фабиано Каруана болон эмэгтэй дэлхийн аварга Александра Костенюк зэрэг дэлхийн топ тоглогчид багтдаг.

    Энэхүү өрөгт манай тамирчид ширээ бүр дээр өндөр түвшний тоглолтыг үзүүлж, гайхалтай ялалтуудыг байгууллаа. Нэгдүгээр ширээнд их мастер Д. Батсүрэн   2844 оргил чансаатай АНУ-ын их мастер Фабиано Каруанаг хожиж, онцгой тоглолт үзүүллээ. Хоёрдугаар ширээнд олон улсын мастер Ү. Агьбилэг дэлхийн  номер 25, Франц Улсын номер хоёр, блицийн дэлхийн аварга Максим Вашье Лагравыг цагаан талаас хожиж, дахин нэг том ялалтыг авчирсан.

  Тавдугаар ширээнд эмэгтэй олон улсын мастер Б. Баярмаа, “WR Chess” багийн эзэн, Германы залуу бизнесмен Вадим Розенштэйнийг буулган авлаа. Зургадуаар ширээнд  А. Эрхэмбаяр, Монгол Улсын 32 дахь Ерөнхий сайд, Монголын шатрын холбооны ерөнхийлөгч Г. Занданшатартай хийсэн тоглолтод ялалт байгууллаа.